ប្រភពការទូតលោកខាងលិចដែលនៅជិតស្និទ្ធិនឹងការចរចានោះ បាននិយាយកាលពីថ្ងៃ ពុធ ទី១៦ ខែកក្កដា ថា ប្រទេសអ៊ីរ៉ង់ និងក្រុមប្រទេស P5+1 (សមាជិកអចិន្ត្រៃយ៍ទាំងប្រាំ នៃក្រុមប្រឹក្សាសន្តិសុខអង្គការសហប្រជាជាតិនិងប្រទេសអាល្លឺម៉ង់) អាចនឹងបន្តការចរចាលើកិច្ចព្រមព្រៀង ស្តីពីការយោគយល់គ្នាមួយនៅ ក្នុងខែកញ្ញា។
អ្នកការទូតបាននិយាយថា នៅសល់តែប៉ុន្មានថ្ងៃទៀតប៉ុណ្ណោះនឹងត្រូវដល់ថ្ងៃផុតកំណត់ នៃកិច្ចព្រមព្រៀងយោគយល់គ្នានេះហើយ គឺថ្ងៃទី២០ ខែកក្កដា ប៉ុន្តែនៅមានសំណួរជាច្រើនទៀត ដែលត្រូវដោះស្រាយ ដោយនិយាយបន្ថែមទៀតថា ភាគីទាំងឡាយនៃកិច្ចព្រមព្រៀងបាន ពិចារណា ដើម្បីពន្យារពេលចរចា និងរៀបចំកិច្ចប្រជុំថ្មីមួយនៅក្នុងខែកញ្ញា។
ប្រភពការទូតនៅក្នុងគណៈប្រតិភូរបស់អ៊ីរ៉ង់បានប្រាប់សារព័ត៌មាន ITAR-TASS កាលពី ព្រឹកម្សិលមិញថា ថ្ងៃផុតកំណត់អាច នឹងត្រូវគេពន្យារពេល ប៉ុន្មានសប្តាហ៍ ឬខែទៀត។
ប្រភពមួយផ្សេងទៀតនៅក្នុងគណៈប្រតិភូរបស់អ៊ីរ៉ង់បានប្រាប់សារព័ត៌មាន ITAR-TASS ថា កិច្ចពិភាក្សានេះអាចនឹងត្រូវពន្យារពេល ប៉ុន្តែមិនអាចឱ្យ ហួសថ្ងៃទី២៥ ខែវិច្ឆិកា ដែលមានរយៈពេលមួយឆ្នាំចាប់តាំងពីឯកសារទីក្រុងហ្សឺណែវត្រូវបានអនុម័តទេ។ ការពិគ្រោះយោបល់នេះ អាចត្រូវបាន ពន្យារពេលរហូតដល់កាលបរិច្ឆេទខាងលើ ដោយការព្រមព្រៀងគ្នាទៅវិញទៅមក នៃភាគីទាំងឡាយ។
ពីរសប្តាហ៍បន្ទាប់ពីការចាប់ផ្តើមនៃកិច្ចប្រជុំថ្មីៗ ដែលត្រូវបានគេសន្មត ថាជាកិច្ចប្រជុំលើកចុងក្រោយមួយប្រទេសអ៊ីរ៉ង់ និងប្រទេសមហាអំណាច ពិភពលោកទាំង៦ មិនទាន់បាន ព្រមព្រៀងគ្នានៅឡើយទេ ទៅលើទិដ្ឋភាពសំខាន់ៗនៃកម្មវិធីនុយក្លេអ៊ែរ Tehran ។
តាមការលេចឮជាញឹកញាប់ពីមន្ត្រីការទូត និងប្រធានអ្នកចរចាបានឱ្យដឹងថា បញ្ហាមួយ ចំនួនដែលហាក់ ដូចជាមិនទំនងនឹងមានសោះនៅដើមខែ នេះ អាចនឹងត្រូវមានបន្តទៀត ហើយ ភាគីទាំងឡាយអាចនឹងបរាជ័យ ក្នុងការព្រមព្រៀងគ្នាលើឯកសារចុងក្រោយនៅថ្ងៃទី២០ ខែ កក្កដា៕
មតិយោបល់