ភ្នំពេញ ៖ បុរសម្នាក់ជិះម៉ូតូក្នុងល្បឿន លឿនជ្រុលទៅរថយន្តឡិចស៊ីស ៤៧០ មួយគ្រឿង ពីក្រោយ បណ្តាលឱ្យ ម៉ូតូឆេះ និងអ្នកបើកម៉ូតូរងរបួសធ្ងន់ធ្ងរត្រូវភ្លើងឆេះមួយចំហៀងខ្លួន ។
ហេតុការណ៍នេះបានកើតឡើងកាលពីវរលាម៉ោង ១០ យប់ថ្ងៃទី ២១ កក្កដា ២០១៤ នៅចំណុចមុខមន្ទីរពេទ្យ អង្គឌួង កែងនិងផ្លូវព្រះនរោត្ថម កែងនិងផ្លូវលេខ ១១៤ ស្ថិតនៅក្នុងសង្កាត់ផ្សារថ្មី១ ខណ្ឌដូនពេញ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តឡិចស៊ីស ៤៧០ ពណ៌ខ្មៅមួយគ្រឿង ពាក់ស្លាកលេខភ្នំពេញ 20-1011 ដែលដោយបុរសម្នាក់បានធ្វើដំណើរតាមបណ្តោយផ្លូវលេខ ១១៤ ក្នុងទិសដៅ ពីលិចទៅកើត ខណៈដែលមកដល់ចំណុច កើតហេតុ ក៏ត្រូវបានម៉ូតូមួយគ្រឿងម៉ាក យ៉ាម៉ាហា ហាយយ៉ាទេ ពណ៌ខៀវ ពាក់លេខ ភ្នំពេញ 1AD-0040 បើកដោយបុរសម្នាក់យ៉ាងលឿនស្របទិសគ្នា មកបុកពីក្រោយរយន្តឡិចស៊ីស នោះពីក្រោយយ៉ាង ពេញទំហឹង បណ្តាលឱ្យម៉ូតូឆេះចេញជាអណ្តាតភ្លើងនិងធ្វើឲ្យអ្នកជិះម៉ូតូឆេះមួយចំហៀងខ្លួននិងរងរបួស យ៉ាងធ្ងន់ធ្ងរ ហើយភ្លាមៗនោះត្រូវបាន ប្រជាពលរដ្ឋបានយកបំពង់ពន្លត់អគ្គីភ័យ មកជួយបាញ់ពន្លត់ភ្លើងឆេះម៉ូតូ និងបានទាញជនរងគ្រោះ ចេញពីម៉ូតូហើយនិងបានហៅរថយន្តសាមុយមកដឹង ជនរងគ្រោះ បញ្ជូនទៅសង្គ្រោះនៅមន្ទីរពេទ្យ រីឯចំណែកម៉ូតូជនរងគ្រោះត្រូវសមត្ថកិច្ចយកទៅរក្សាទុកនៅការិយាល័យចរាចរនៃស្នងការនគរបាលរាជធានីភ្នំពេញ ដើម្បីធ្វើការដោះស្រាយតាមផ្លូវច្បាប់ ៕
មតិយោបល់