ភ្នំពេញ ៖ បុរសម្នាក់កំពុងដើរតាមផ្លូវ ត្រូវបានជនសង្ស័យមានគ្នា២នាក់ បើកម៉ូតូមួយគ្រឿងមកហក់កាប់ពីក្រោយចំនួន៣ ថៅបណ្តាលឱ្យរងរបួសធ្ងន់ធ្ងរសន្លប់នៅនឹងកន្លែង ហើយជនសង្ស័យបានបើកម៉ូតូគេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលា ម៉ោង ៩និង៥០នាទីយប់ ថ្ងៃទី ២១ កក្កដា ២០១៤នៅចំណុចគល់ស្ពានអាកាសក្បាលថ្នល់ តាមផ្លូវជាតិលេខ២ ស្ថិតនៅក្នុងភូមិតានូ សង្កាត់ចាក់អង្រែលើ ខណ្ឌមានជ័យ ។
ជនរងគ្រោះមានឈ្មោះ ថន អាយុ ២៨ឆ្នាំ មានផ្ទះនៅខាងក្រោយសាលាសង្កាត់ចាក់អង្រែលើ ខណ្ឌមានជ័យ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញជនមិនស្គាល់មុខ ២នាក់ បានជិះម៉ូតូហុងឌ្រីម សេ១២៥ មួយគ្រឿង មិនចាំស្លាកលេខ តាមផ្លូវជាតិលេខ២ ក្នុងទិសដៅពីជើងទៅត្បូង ខណៈដែលមកដល់ចំណុចកើតហេតុខាងលើ ក៏បានបន្ថយល្បឿនម៉ូតូ ដោយអ្នកជិះពីក្រោយហក់ មកកាប់ជនរងគ្រោះចំនួន៣ពូថៅ ខណៈកំពុងដើរតាមផ្លូវ បណ្តាលឱ្យរងរបួសធ្ងន់ធ្ងរ សន្លប់ស្តូកស្តឹងនៅនឹងកន្លែងកើតហេតុ ហើយជនសង្ស័យបានជិះម៉ូតូគេចខ្លួនបាត់ស្រមោលតែម្តង ។ ហើយបានបើតាមការនិយាយព្រោះជនរងគ្រោះ អាចនិយាយបានថាគាត់មិនដែលមានបញ្ហាជាមួយអ្នក ណានោះទេ ហើយចំណែកជនមិនស្គាល់មុខទាំងពីរនាក់នេះក៏គាត់មិនដែលស្គាល់ដែល ។ បន្ទាប់ពីកើតហេតុ ជនរងគ្រោះត្រូវបានរថយន្តសាមុយ របស់មន្ទីរពេទ្យ៧០០២ មកទទួលយកទៅសង្គ្រោះបន្ទាន់ ហើយចំណែកនៅកន្លែងកើតហេតុសមត្ថកិច្ចក៏កំពុងធ្វើការសាកសួរនៅកន្លែង ហេតុផងដែល៕
មតិយោបល់