ភ្នំពេញ៖ ម៉ូតូពីរគ្រឿងដែលបើកបរក្នុងល្បឿនលឿន ខណៈដែលមកចំណុចផ្លូវ បែក ជាបួនក៏បានបុក គ្នាយ៉ាងពេញទំហឹងបណ្តាលឲ្យម្ចាស់ម៉ូតូទាំងពីររងរបួសធ្ងន់និងស្រាល ៣នាក់កាលពីម៉ោង៩:៣០ នាទីយប់ ថ្ងៃទី២៤ ខែកក្កដា ឆ្នាំ២០១៤នៅចំណុចផ្លូវលេខ១៤៣កែងផ្លូវលេខ៣១០ ស្ថិតក្នុង សង្កាត់ បឹង កេងកង ទី៣ ខណ្ឌចំការមន។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនពីរបើកម៉ូតូ ឌុបគ្នាម៉ាកហុងដាឌ្រីមសេ១២៥ ស៊េរីឆ្នាំ២០១០ ពាក់ស្លាកលេខកណ្តាល 1M.3213 បើកតាម ផ្លូវលេខ១៤៣ក្នុងទិសដៅពីត្បូងទៅជើង ចំណែកម៉ូតូមួយគ្រឿងទៀតម៉ាកហុងដា VISION ពាក់ស្លាកលេខព្រៃវែង 1E.1938 បើកបរដោយយុវជនម្នាក់បើក តាមផ្លូវលេខ ៣១០ ក្នុងទិសដៅ ពីកើតទៅលិច ខណៈមកដល់ចំណុចកើតហេតុម៉ូតូហុងដាឌ្រីមបាជ្រុលចង្កូតបុកម៉ូតូម៉ាកហុងដា VISION ខ្ទាតទៅទើរលើចិញ្ចើមផ្លូវបណ្តាលឲ្យអ្នកបើកម៉ូតូហុងដាឌ្រីសេ១២៥ ម្នាក់រងរបួសបាក់ ជើងឆ្វេង ចំណែកពីរនាក់ទៀតបានរងរបួសស្រាល រីឯម៉ូតូហុងដាឌ្រីខូចខាតផ្នែកខាងមុខទាំងស្រុង។
ក្រោយកើតហេតុជនរងគ្រោះត្រូវបានរថយន្តសាមុយដឹកទៅសង្គ្រោះនៅមន្ទីរពេទ្យរុស្ស៊ី ចំណែកម៉ូតូទាំងពីគ្រឿងត្រូវបានសមត្ថកិច្ចជំនាញចរាចរវាស់វែងយកទៅរក្សាទុកនៅខណ្ឌចំការមនរងចាំដោះស្រាយគ្នាជាក្រោយ៕
មតិយោបល់