មកដល់ម៉ោង៨ និង៥០ទាទីព្រឹកនេះ ក្រុមសមត្ថកិច្ចពន្លត់អគ្គិភ័យ បានរកសាកសពនារីម្នាក់ស្ថិតនៅបន្ទប់នៃរោងចក្រដែលនោះ។ ក្នុងពេលនេះ សមត្ថកិច្ចកំពុងតែយករថយន្តស្ទួច ដើម្បីព្យាយាមទាញទម្លាក់ជញ្ជាំង យកសាកសពចេញមកក្រៅ។
សូមបញ្ចាក់ថា រោងចក្រឆាំងស៊ីង (Chang Sing) ត្រូវបានភ្លើងឆាបឆះខ្ទេចអស់ទាំងស្រុងនៅវេលាព្រឹកថ្ងៃទី២៨ខែកក្កដាឆ្នាំ២០១៤នេះ។ ភ្លើងបានឆេះរោងចក្រនេះតាំងពីម៉ោងជាង៣ទៀបភ្លឺ។ រោងចក្រនេះស្ថិតនៅតាមផ្លូវបេតុង ភូមិទួលពង្រ សង្កាត់ចោមចៅ ខណ្ឌពោធិសែនជ័យ។
ភ្លើងបានឆេះរោងចក្រខ្ទេចទាំងស្រុង រួមទាំងសម្ភារៈ ដូចជាម៉ាស៊ីនដេរ ក្រណាត់ ជាដើម។ ចំណែកតួអគាររោងចក្រទាំងមូលត្រូវបានបាក់ស្រុតដួលរាបដល់ដី។ រោងចក្រនេះមានកម្មករកំពុងសព្វថ្ងៃប្រមាណជាង១ពាន់នាក់។យ៉ាងណាក៏ដោយ តាមសេចក្តីរាយការណ៍ជំហ៊ានដំបូង គឺបណ្តាលមកពីទុស្សេខ្សែភ្លើង។ ក្នុងហេតុការណ៍នេះ គេឃើញមានក្រុមរថយន្តពន្លត់អគ្គិភ័យចុះជួយអន្តរាគមន៍ផងដែរ៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់