ភ្នំពេញ ៖ រថយន្តសន្តិសុខMSMមួយគ្រឿងកំពុងធ្វើដំណើរជិតមកដល់ទីស្នាក់ការក៏បានស៊ីញ៉ូបត់ឆ្វេងឆ្លងផ្លូវក៏ត្រូវរថយន្តទួរីសមួយគ្រឿងបើកក្នុងល្បឿនលឿនចាប់ហ្វ្រាំងអូស១៥ម៉ែត្របុកប៉ះរថយន្តសន្តិសុខMSMចំពីជំហៀងខាងក្រោយធ្វើអោយខូចខាតទាំងសងខាង។ ហេតុការណ៍នេះបានកើតឡើងកាលពីវេលាម៉ោង១និង១៥នាទីរំលងអាធ្រាត្រឈានចូលថ្ងៃទី២៨ខែកក្កដាឆ្នាំ២០១៤ ត្រង់ចំណុចមុខទីស្នាក់ការសន្តិសុខMSM តាមបណ្ដោយផ្លូវលេខ៣១៧ ស្ថិតក្នុងសង្កាត់បឹងទំពុន ខណ្ឌមានជ័យ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុរថយន្តមួយគ្រឿងម៉ាកនីសាន់ ពណ៌ស របស់សន្តិសុខMSM ពាក់ស្លាកលេខ ភ្នំពេញ 2C-6724 បើកបរដោយបុរសម្នាក់ធ្វើដំណើរតាមបណ្ដោយផ្លូវលេខ៣៧១ ទិសដៅពីលិចទៅកើត ស្រាប់តែមកជិតដល់ទីសាក់ការ រថយន្តក៏បានស៊ីញ៉ូបត់ឆ្វេងឆ្លងផ្លូវ ក៏មានរថយន្តទួរីសមួយគ្រឿង ពណ៌សំបកឪឡឹក ពាក់ស្លាកលេខ ភ្នំពេញ 2S-1400 ធ្វើដំណើរស្របទិសគ្នាមកពីក្រោយក្នុងល្បឿនលឿនចាប់ហ្វ្រាំងអូស១៥ម៉ែត្រជ្រុលទៅបុករថយន្តសន្តិសុខMSMចំពីជំហៀងខាងក្រោយធ្វើអោយរថយន្តទាំង២គ្រឿងរងការខូចខាតទាំងសងខាង។
បន្ទាប់ពីកើតហេតុភាគីទាំងសងខាងបានធ្វើការសម្របសម្រួលគ្នាជាង៣ម៉ោងទើបសម្រេចអោយសមត្ថកិច្ចវាស់វែងដោះស្រាយតាមផ្លូវច្បាប់៕
មតិយោបល់