ភ្នំពេញ ៖ ប្ដីប្រពន្ធជនជាតិវៀតណាម២នាក់ជិះម៉ូតូចេញពីធ្វើការត្រឡប់ទៅផ្ទះត្រូវរថយន្តមួយគ្រឿងបើកគៀបុកប៉ះបណ្ដាលអោយដួលរងរបួសធ្ងន់ស្រាល ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ថ្ងៃទី២៧ខែកក្កដាឆ្នាំ២០១៤ ត្រង់ចំណុចមុខផ្សារស្ទឹងមានជ័យចាស់ តាមបណ្ដោយផ្លូវព្រះមុនីរ៉េត ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។
ប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុ គេឃើញប្ដីប្រពន្ធ២នាក់ជិះម៉ូតូមួយគ្រឿងម៉ាកស៊ីធីប្លាស ពណ៌ក្រហម ពាក់ស្លាកលេខ ភ្នំពេញ 1B-2685 ទើបចេញពីធ្វើការធ្វើដំណើរតាមបណ្ដោយផ្លូវមុនីរ៉េតត្រឡប់ទៅផ្ទះ ទិសដៅពីកើតទៅលិច ស្រាប់តែមកដល់ចំណុចកើតហេតុ ក៏មានរថយន្តមួយគ្រឿងមិនស្គាល់ម៉ាកបើកក្នុងល្បឿនស្របទិសគ្នាមកពីក្រោយគៀប៉ះដៃចង្កូតម៉ូតូជនរងគ្រោះបណ្ដាលដួលបោកនិងថ្នល់រងរបួសស្ត្រីជាប្រពន្ធបែកក្បាលហូរឈាម ចំណែកប្ដីរងរបួសស្រាល។បន្ទាប់ពីកើតហេតុជនរងគ្រោះត្រូវរថយន្តសាមុយដឹកបញ្ជូនទៅមន្ទីរពេទ្យភ្លាមៗ ចំណែកម៉ូតូបុរសជាប្ដីបានជិះតាមរថយន្តសាមុយទៅមន្ទីរពេទ្យផងដែរ៕
មតិយោបល់