ភ្នំពេញ ៖ រថយន្តកាមរីមិនស្គាល់ស្លាក់លេខ មួយគ្រឿង បានបើកទៅ បុកនិងម៉ូតូហុងដា អាយខន មួយគ្រឿងបណ្តាលរងរបួសធ្ងន់និងស្រាល៣នាក់ ហើយរថយន្តបង្កបើកគេចខ្លួនបាត់ស្រមោល កាលពីវេលាម៉ោង៨និង៥០នាទីយប់ថ្ងៃទី២៩ខែកក្កដាឆ្នាំ២១០៤ ត្រង់ចំណុចស្ពានស្ថានីបូមលូរ បឹងទំពន់ តាមបណ្ដោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរសម្នាក់និងដឹងកូនប្រុសស្រីពីរនាក់ទៀតបានជិះម៉ូតូមួយគ្រឿងម៉ាក ហុងដា អាយខន ពណ៌ ត្រួយចេក លាយស ពាក់ស្លាកលេខ ភ្នំពេញ 1AV-5581 កំពុងធ្វើដំណើរតាមបណ្ដោយផ្លូវលេខ២៧១ ទិសដៅពីត្បូងទៅជើង ស្រាប់តែមកដល់ចំណុច ស្ពានស្ថានីបូមលូរ បឹងទំពន់ ក៏មានរថយន្តមួយគ្រឿង ម៉ាកកាមរី ពណ៌ខ្មៅ មិនចាំស្លាក់លេខ ដោយបើកបរក្នុងល្បឿនលឿន ទិសដៅស្របគ្នាជាមួយម៉ូតូ ក៏ជ្រុលចង្កួតទៅបុកម៉ូតូពីក្រោយពេញទំហឹងបណ្តាលឲ្យអ្នកជិះម៉ូតូដូលបោកផ្ទុបនិងថ្នល់ រងរបួសរងរបួសធ្ងន់និងស្រាល៣នាក់ ។ បន្ទាប់ពីកើតហេតុរថយន្តបង្កបានបើករត់គេចខ្លួនបាត់ ស្រមោល ហើយសមត្ថកិច្ចក៏បានចុះមកអន្តរាគមន៍ដល់កន្លែងកើតហេតុ តែ ជនរងគ្រោះ សុំសមត្ថកិច្ចទៅមន្ទីរពេទ្យព្យាបាលសិន ហើយចាំស្អែកពួកគាត់និងទៅដាក់ពាក្យប្តឹងនៅខណ្ឌ ចំការមន តាមក្រោយ ៕
មតិយោបល់