ភ្នំពេញ៖ គ្រោះថ្នាក់ចរាចរណ៏មួយដែលបង្កឡើងដោយយុវជនម្នាក់ដែលជិះម៉ូតូជ្រុលចង្កួត ទៅបុកបុរស ម្នាក់ដែលកំពុងឆ្លងថ្នល់ បណ្តាលឲ្យរងរបួសធ្ងន់ធ្ងរ កាលពីវេលាម៉ោង ១០និង៤០នាទី យប់ថ្ងៃ ទី២៩ ខែ កក្កដា ឆ្នាំ២០១៤ នៅចំណុចមុខក្លោងទ្វារ ផ្សារសុវណ្ណា តាមបណ្តោយផ្លូវលេខ ២៧១ ក្នុងសង្កាត់ទំនប់ទឹក ខណ្ឌ ចំការមន ។
ហេតុការណ៏នេះ បុរសម្នាក់ដែលឃើញផ្ទាល់បានឲ្យដឹងថា មុនពេលកើតហេតុគឺយុវជនម្នាក់បាន ជិះម៉ូតូមួយគ្រឿង ម៉ាក ហុងដា វេវ ពណ៌ ខ្មៅ ពាក់ស្លាកលេខ ស៊េរីចាស់ ជ ២៣៩១ ភព ១ បាធ្វើ ដំណើរតាម បណ្តោយផ្លូវ លេខ ២៧១ ក្នុងទិសដៅពីជើងទៅត្បូង ដោយជិះក្នុងល្បឿនលឿន ស្រាប់តែមកដល់ ចំណុចកើត ហេតុខាងលើ បានជិះទៅបុកបុរសម្នាក់កំពុងដើរឆ្លងផ្លូវ បណ្តាលឲ្យខ្ទាត់ជិត១០ម៉ែត្រ រងរបួស ធ្ងន់ធ្ងរ ហើយ ចំណែក យុវជនដែលជិះម៉ូតូវិញបានក៏ រងរបួសបែកមុខបែកម៉ាតស្រាលផងដែរ ។ ជនរងគ្រោះត្រូវបានគេដឹងតាមម៉ូតូទៅមន្ទីរពេទ្យព្យាបាលហើយចំណែកម៉ូតូបង្កវិញត្រូវបានសមត្ដកិច្ចវាស់វែងយក ទៅរក្សាទុកខណ្ឌចំការមនរងចាំធ្វើការដោះស្រាយនាពេលក្រោយ ៕
មតិយោបល់