សហភាពអឺរ៉ុប និងសហរដ្ឋអាមេរិក ថ្ងៃអង្គារបានប្រកាសដាក់ទណ្ឌកម្មបន្ថែមទៀតទៅលើប្រទេសរុស្ស៊ី ដែលទីក្រុងម៉ូស្គូ គាំទ្រពួកឧទ្ទាមនៅភាគខាងកើតអ៊ុយក្រែន។
វិធានការនេះបានសម្គាល់ចាប់ផ្តើមនៃដំណាក់កាលថ្មីនៅក្នុងការប្រឈមមុខគ្នាដ៏ធំបំផុតរវាងទីក្រុងម៉ូស្គូ និងខាងលិចចាប់តាំងពីសង្គ្រាមត្រជាក់ដែលកាន់តែអាក្រក់យ៉ាងខ្លាំងបន្ទាប់ពីការបាញ់ទម្លាក់យន្តហោះដឹកអ្នកដំណើររបស់ប្រទេសម៉ាឡេស៊ី MH17 ជាស្នាដៃរបស់ពួកឧទ្ទាម បានធ្វើឡើងនៅថ្ងៃទី ១៧ខែកក្កដា ដោយបណ្តាប្រទេសលោកខាងលិចបាន និយាយថារុស្ស៊ី ជាអ្នកផ្គត់ផ្គង់មីស៊ីលដែលបាញ់ទម្លាក់យន្តហោះនោះ។
លោកប្រធានាធិបតីបារ៉ាក់អូបាម៉ាបាននិយាយនៅក្នុងទីក្រុងវ៉ាស៊ីនតោន «ប្រសិនបើប្រទេសរុស្ស៊ីនៅតែបន្តនៅលើផ្លូវបច្ចុប្បន្ននេះការចំណាយលើប្រទេសរុស្ស៊ីនឹងបន្តកើនឡើង»។
លោកបានបន្តទៀតថា “អំពើរបស់ប្រទេសរុស្ស៊ីនៅក្នុងអ៊ុយក្រែន និងការដាក់ទណ្ឌកម្ម និងធ្វើឲ្យសេដ្ឋកិច្ចរុស្ស៊ីទន់ខ្សោ”។
នៅក្នុងទីក្រុងព្រុចសែល មន្ត្រីការទូតបានឲ្យដឹងថាឯកអគ្គរាជទូត ២៨ រូបមកពី សមាជិកអឺរ៉ុបបានយល់ព្រមការរឹតបន្តឹងលើការធ្វើពាណិជ្ជកម្មរបស់ឧបករណ៍សម្រាប់វិស័យប្រេងនិងយោធា។ ធនាគាររដ្ឋរបស់ប្រទេសរុស្ស៊ីនឹងត្រូវបានរារាំងពីការបង្កើនមូលនិធិនៅក្នុងទីផ្សារមូលធនអឺរ៉ុប។ វិធានការនេះនឹងត្រូវបានពិនិត្យឡើងវិញនៅក្នុងរយៈពេលបីខែ៕
មតិយោបល់