ការធ្វើដំណើរតាមយន្ដហោះ ចំនួន អ្នកជួបគ្រោះថ្នាក់មានតិចគ្រោះថ្នាក់ មានតិចជាងអ្នកធ្វើដំណើរដោយថ្មើរ ជើង ដោយរថយន្ដ ប៉ុន្ដែមានការព្រួយ បារម្ភច្រើនឡើងជាងមុនពេលធ្វើដំណើរ តាមយន្ដហោះបន្ទាប់ពីមានគ្រោះថ្នាក់ ផ្ទួនៗគ្នាកើតឡើង ។ គ្រោះថ្នាក់យន្ដហោះកើតឡើងផ្ទួនៗ គ្នារយៈពេលដ៏ខ្លីកន្លងមក ធ្វើឱ្យអ្នកធ្វើ ដំណើរតាមជើងហោះហើរមិនអាចលះ បង់ក្ដីកង្វល់របស់ខ្លួនបានឡើយ។ បើទោះ ថា ចំនួន
អ្នកស្លាប់ដោយធ្វើដំណើរនៅ លើយន្ដហោះមានតិចជាងធ្វើដំណើរ តាមរថយន្ដ ឬធ្វើជើងក៏ដោយ ។ ជាការពិតណាស់ ចាប់តាំងពីដើម ឆ្នាំ២០១៤មកទល់ពេលនេះ គ្រោះថ្នាក់ អាកាសចរណ៍ជាច្រើនបានកើតឡើង បណ្ដាលឱ្យអ្នកធ្វើការនៅតាមក្រុមហ៊ុន អាកាសចរណ៍នានាមានភាពធុញថប់ ដូចជាមានអ្វីមកគ្របដណ្ដប់នៅលើ សតិអារម្មណ៍របស់ពួកគាត់ មិនមាន ភាពជ្រះស្រឡះដូចពេលមុន ។ ចាប់តាំងពីដើមឆ្នាំមកទល់ពេលនេះ នៅលើពិភពលោកទាំងមូលមានគ្រោះ ថ្នាក់យន្ដហោះពាណិជ្ជកម្ម ដឹកជញ្ជូនអ្នក ដំណើរដល់ទៅ៦ករណី ដោយក្នុងនោះ ក្រុមហ៊ុនអាកាសចរណ៍នេប៉ាល់អ៊ែរ ឡាញ១៨៣ ជួបគ្រោះថ្នាក់សម្លាប់ មនុស្ស១៨នាក់, ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញជើងហោះហើរ MH- 370 បាត់ខ្លួនដោយមានអ្នកដំណើរដល់ ទៅ២៣៩នាក់ហើយមកទល់ពេលនេះ មិនទាន់រកឃើញនៅឡើយ ។ គ្រោះថ្នាក់ មួយទៀតកើតមកលើក្រុមហ៊ុនម៉ាឡេស៊ីដដែលដែលមានលេខហោះហើរ MH-17 ជួបគ្រោះថ្នាក់នៅលើដែន អាកាសប្រទេសអ៊ុយក្រែនសម្លាប់មនុស្ស ២៩៨នាក់ ។ ក្រុមហ៊ុនអាកាសចរណ៍ Skyward Aviation សម្រាប់ដឹកទំនិញ ក៏បានជួបគ្រោះថ្នាក់បណ្ដាលឱ្យអាកាស យានិក៤នាក់បាត់បង់ជីវិត ។ ក្រុមហ៊ុន អាកាសចរណ៍ Transasia Airway ជួប គ្រោះថ្នាក់នៅតៃវ៉ាន់ស្លាប់៤៨នាក់ របួស១០នាក់ និងក្រុមហ៊ុនអាកាស ចរណ៍អាល់ហ្សេរីដែលមានលេខហោះ ហើរ 5017 ជួបគ្រោះថ្នាក់ផ្ទុះឆេះនៅ ម៉ាលីសម្លាប់មនុស្ស១១៦នាក់ ។ ដោយឡែកកាលពីឆ្នាំ២០១៣ ចំនួន យន្ដហោះដឹកអ្នកដំណើរដែលជួបគ្រោះ ថ្នាក់នៅលើពិភពលោក មាន១១ករណី ប៉ុន្ដែមិនបង្កឱ្យមានភាពតក់ស្លុតបាក់ ស្មារតី ភ័យខ្លាចដូចជាឆ្នាំ២០១៤នោះ ឡើយ ។ ដោយសារគ្រោះថ្នាក់ឆ្នាំនេះ សុទ្ធសឹងតែបានកើតឡើងនៅលើយន្ដ ហោះធុនធំ មានអ្នកធ្វើដំណើររាប់រយ នាក់ ហើយកើតឡើងក្នុងរយៈពេលដ៏ខ្លី ។ ដោយគ្រោះថ្នាក់ជាច្រើនកើតឡើង តាមជើងហោះហើរបានធ្វើឱ្យអ្នកដំណើរ នៅលើពិភពលោកមានក្ដីព្រួយបារម្ភ ។ បណ្ដារដ្ឋាភិបាលប្រទេសជាច្រើនបាន ខិតខំរិះរកវិធីសាស្ដ្រធ្វើឱ្យមានសុវត្ថិ ភាពជាងនេះ ខណៈដែលការហោះហើរ នៅក្នុងឆ្នាំនេះបង្កការព្រួយបារម្ភយ៉ាង ខ្លាំងដល់អ្នកដំណើរគ្រប់រូប ។ សូម្បីតែ យន្ដហោះសម្រាប់ដឹកប្រធានាធិបតី ក៏ រងការគំរាមកំហែងផងដែរ ។ ជាក់ស្ដែង យន្ដហោះរបស់ប្រធានាធិបតីកូរ៉េខាង ត្បូង លោកស្រីផាក យុងហេ ត្រូវហោះ វាងដែលអាកាសប្រទេសអ៊ីរ៉ង់នៅពេល ដែលមន្ទីរគ្រប់គ្រងដែនអាកាសមិន អនុញ្ញាតឱ្យឆ្លងកាត់ដែនអាកាសរបស់ ខ្លួននោះ ។ សោកនាដកម្មនៅលើយន្ដហោះដឹក អ្នកដំណើរធុនធំរបស់ក្រុមហ៊ុនម៉ាឡេស៊ី អ៊ែរឡាញកើតឡើងដោយសារតែមាន ចេតនា ។ ជើងហោះហើរ MH-370 ដែលបានបាត់ខ្លួនតាំងពីថ្ងៃទី៨ ខែមីនា រហូតមកទល់ពេលនេះមិនទាន់រកឃើញ ក៏ជាចេតនារបស់អ្នកបើកបរយន្ដហោះ ដែលអ្នកឯកទេសបានសន្និដ្ឋានថា បាន ផ្ដាច់ប្រព័ន្ធទំនាក់ទំនង ហើយបង្វែរផ្លូវ ហោះហើរដោយខ្លួនឯង ។ គ្រោះថ្នាក់ យន្ដហោះMH-17 នៅថ្ងៃទី១៧ ខែកក្កដា កើតឡើងដោយមានចេតនាគឺបាញ់ពី មីស៊ីលពីដីបណ្ដាលឱ្យផ្ទុះឆេះសម្លាប់ មនុស្សទាំងអស់នៅលើយន្ដហោះនោះ ។ ចំណែកគ្រោះថ្នាក់នៅលើយន្ដហោះ របស់ក្រុមហ៊ុន Transasia និង Air Ageria ក៏មានចំណុចដូចគ្នាគឺគ្រោះ ថ្នាក់កើតឡើងដោយសារតែជួបខ្យល់ ព្យុះ។ អ្នកឯកទេសជាច្រើនបានដាក់ សំណួរសួរថា ហេតុអ្វីបានជាក្រុមហ៊ុន អាកាសចរណ៍ខាងលើនៅតែសម្រេច ហោះហើរមិនព្រមលុបចោល បើទោះ ដឹងថា ជួបនឹងខ្យល់ព្យុះក៏ដោយ ។ បើទោះបីមានគ្រោះថ្នាក់អាកាស ចរណ៍ផ្ទួនៗគ្នា ប៉ុន្ដែមធ្យោបាយធ្វើ ដំណើរតាមដែនអាកាសស្ថិតនៅលំដាប់ កំពូលដដែលពីសុវត្ថិភាព ។ តាម តួលេខពីសុវត្ថិភាពធ្វើដំណើរបង្ហាញឱ្យ ឃើញថា មានតែដែនអាកាសប៉ុណ្ណោះ ដែលមានសុវត្ថិភាពជាងគេ ។ តួលេខអ្នកធ្វើដំណើរស្លាប់តាមដែន អាកាសនៅលើពិភពលោកក្នុងឆ្នាំ ២០១១មាន៣៧៣នាក់ ក្នុងចំណោមអ្នក ដំណើរ២,៨៤ពាន់លាននាក់ ។ ដូច្នេះ ក្នុង ចំណោមអ្នកដំណើរ ៧,៦លាននាក់នៅ លើយន្ដហោះ មានតែម្នាក់ប៉ុណ្ណោះ ស្លាប់ដោយគ្រោះថ្នាក់ ។ អាកាសចរណ៍ ជាមធ្យោបាយធ្វើដំណើរសុវត្ថិភាព បំផុត ប៉ុន្ដែមិនមានសុវត្ថិភាព១០០ ភាគរយនោះឡើយ ។ នៅលើពិភព លោកនេះគ្មានទីកន្លែងណា មធ្យោបាយ ធ្វើដំណើរណាដែលមានសុវត្ថិភាព១០០ ភាគរយនោះឡើយ ។ មួយវិញទៀត អ្នកធ្វើដំណើរតាម អាកាសចរណ៍នៅពេលដែលជួបគ្រោះ ថ្នាក់បាត់បង់ជីវិតទទួលបានប្រាក់សំណង យ៉ាងច្រើនពីក្រុមហ៊ុនធានារ៉ាប់រងក៏ដូច ជាក្រុមហ៊ុនអាកាសចរណ៍ ចំណែកអ្នក ស្លាប់ដោយធ្វើដំណើរថ្មើរជើង ឬតាម រថយន្ដ រថភ្លើងទទួលប្រាក់សំណងទាប បំផុត ។ ប៉ុន្ដែប្រសិនបើមានផ្លូវអាកាស និងផ្លូវគោកព្រមគ្នាទៅកាន់គោលដៅ មួយនោះ អ្នកដំណើរភាគច្រើនជ្រើស រើសផ្លូវគោកជាងដែនអាកាស ដោយ សង្ឃឹមថា បើមានហេតុការណ៍អាក្រក់ ណាមួយកើតឡើង ក៏មានសង្ឃឹមរស់ នៅបានខ្លះដែរ ។ ចំណែកការធ្វើដំណើរ តាមជើងហោះហើរ បើជួបគ្រោះថ្នាក់ ហើយ គ្រួសារទាំងមូលប្រាកដជាគ្មានអ្វី សេសសល់ ជាក់ស្ដែងដូចជាគ្រួសារជន ជាតិកាណាដា និងអាល់ហ្សេរី៥គ្រួសារ ដែលមានសមាជិកទាំងអស់ធ្វើដំណើរ នៅជើងហោះរបស់ក្រុមហ៊ុនហ៊ុនអា-កាសចរណ៍អ៊ែរអាល់ហ្សេរីជួបគ្រោះ ថ្នាក់នៅប្រទេសម៉ាលីស្លាប់ទាំងគ្រួសារៗ តែម្ដង ។ កត្ដានោះហើយបានធ្វើឱ្យអ្នក ដំណើរតាមផ្លូវគោក បើទោះជាដឹងថា មានភាគរយនៃគ្រោះថ្នាក់ច្រើនជាង ដែនអាកាសក៏ដោយ៕
មតិយោបល់