ភ្នំពេញ ៖អ្នកគាំទ្រ ផលិតកម្ម ហង្សមាស ជាពិសេស កម្មវិធី ដំបូងបំផុត នៅកម្ពុជា The Voice Cambodia បានជះកំហឹង តប ក្រោយពាក្យរិះគន់ទៅលើ តារាចម្រៀងទាំង ៤ ដួងថា “តារាទាំង ៤ នេះសមតែជា ធ្វើបេក្ខជនប្រលង ព្រោះគ្មានសមត្ថភាព គ្រប់គ្រាន់ មិនដែលឆ្លងកាត់ការប្រលង ចូលធ្វើតារាតាមខ្សែ តាមខ្នង ” ។
តបឆ្លើយនឹងពាក្យរិះគន់ទាំងទ្រូងក្តៅផ្សារ អ្នកគាំទ្រម្នាក់ ដែលប្រើប្រាស់គណនី Tequila Shutter បានចែករំលែកពាក្យពេចន៍ ថា “ជូនចំពោះ ពួកអត់ការងារធ្វើ ដើរតែ រិះគន់ជាន់ពន្លិច !
រឿងទី ១ ដែលខ្ញុំចង់និយាយគឺ៖ កម្មវិធី The Voice Cambodia ដែលអ្នកនាំគ្នាមក និយាយពេញ ពេញម៉ាត់ថាជាកម្មវិធីចម្លងគេទាំងដល់។ ខ្ញុំមិនយល់ថា ហេតុអី! បានពូកនឹងអត់ ដែលយកខួរក្បាលទៅគិតសោះចឹង! ហើយអត់ដែលយកភ្នែកទៅមើលទេអី បានជាមក និយាយ ធ្វើដូចមនុស្សគ្មានខួរ។ កម្មវិធីគេ ប្រកាសឡើងក្តែងៗ ថាទទួលបានសិទ្ធិផ្តាច់មុខក្នុងការផលិត ដំបូងគេ សម្រាប់កម្ពុជា។ បើមិនជឿទេ សូមបើកមើល គេហទំព័រដែលជាម្ចាស់ដើម ក៏បាន និយាយថា បានលក់សិទ្ធផ្តាច់មុខ ឲ្យខ្មែរដែរ https://www.talpa.tv/formats/talent/the-voice ។
រឿងទី ២ ដែលខ្ញុំចង់និយាយគឺ៖ “គ្រូបង្វិក” (Coaches) បុគ្គលមួយចំនួនមិនចេះបកប្រែ ភាសាអង់គ្លេសបាននាំគ្នាប្រែពាក្យនេះទៅជា “គណៈកម្មការ”។ សូមទៅបើក មើលវចនានុក្រម ម្តងទៀត ហើយយកខួរក្បាលទៅគិតតិចទៅថា គ្រូបង្វិកទាំង ៤ រូបនោះ ពួកគេមិនមានសិទ្ធ ដាក់ពន្ទុអ្វីទាំងអស់ ពូកគេគ្រាន់តែប្រើការជឿជាក់ និងបទពិសោធន៍ជាង ១០ឆ្នាំរបស់ពួកគេ មកជ្រើសរើសបេក្ខជន ដែលគេគិតថា មានសម្ថភាពច្រៀង និងអាចរីកចម្រើន ទៅថ្ងៃក្រោយ។
រឿងទី ៣ ដែលខ្ញុំចង់និយាយគឺ៖ មានមតិមួយចំនួនមិនសូវពេញចិត្ត រឿងបេក្ខជនពិការ ភ្នែកម្នាក់ មិនត្រូវបានជ្រើសរើសឲ្យជាប់។ អាចនិយាយបានថានេះជាការលើកទឹកចិត្ត ហើយ ក៏ជាសំណាងល្អមួយ ដែលបេក្ខជនរូបនេះទទួលបាន។ ការផ្សព្វផ្សាយ របស់កម្ម វិធីនេះ ដំបូង លក្ខខណ្ឌជ្រើសរើសបានប្រកាសយ៉ាងច្បាស់ថា គេចង់បានបេក្ខជន ដែលមានសម្លេងល្អ ពិរោះ ចូលចិត្តច្រៀងបទសម័យថ្មីៗ ល្បីនាំមុចគេ ប៉ុន្តែបេក្ខជនរូបនេះ បានយកបទចំរៀង បែបបុរាណ មកបកស្រាយ ទោះបីគាត់ច្រៀងបានល្អយ៉ាងណាក៏ដោយ ក៏មិនបាន ត្រឹមត្រូវ ស្របតាមលក្ខខណ្ឌដែលបានប្រកាសពីមុនដែរ” ។
ក៏ប៉ុន្តែការ រិះគន់ទៅលើ អ្នកដែលរីះគន់លើតារាចម្រៀងទាំង បួន នៅក្នុងកម្មវិធី The Voice Cambodia ក៏មានអ្នកបន្ទរមិនពេញចិត្តដដែល ដោយថា ឲ្យម្ចាស់គណនីខាងលើ ថា ជាអ្នកគាំទ្រផ្តាប់មុខ គ្មានគិតពិចារណា ។
អ្នកលេងហ្វេសប៊ុក រិះគន់បែបនេះ ចុះ អ្នកមិនមែនជាអ្នកលេងហ្វេសប៊ុក រិះគន់យ៉ាងម៉េចដែរ ?
បុគ្គលិកម្នាក់ ក្នុង ហាង លក់ និងជួស ជុលទូរស័ព្ទ Apple Media សូមមិនបញ្ចេញឈ្មោះ បាន អះអាងថា “លោកពិតជាគាំទ្រណាស់ កម្មវិធី The Voice Cambodia ព្រោះថាអាចឲ្យកូនខ្មែរ ដែលមានសម្រស់មិនស្អាត តែមានទឹកដមសំនៀងពិរោះ អាចបញ្ចេញសមត្ថភាពបាន ក៏ប៉ុន្តែ អ្វីដែលធ្វើឲ្យលោកមិនពេញចិត្ត គឺត្រង់ថា Coaches ប្រើប្រាស់ កាយវិការ ដូចហួសហេតុបន្ថិច (នេះជាគំនិតផ្ទាល់ខ្លួនលោកទេ) ” ។
ទោះជាយ៉ាងនេះក្តី ចង់ដឹងថា សកម្មភាព Coaches យ៉ាងម៉េច សូម មើលឃ្លិបដូចខាងក្រោមនេះដើម្បីវិភាគ ៖
មតិយោបល់