ជំងឺ Ebola បានសម្លាប់មនុស្សយ៉ាងហោចណាស់ ១.០១៣នាក់ ខណៈដែល១.៨៤៨នាក់ផ្សេងទៀត ស្ថិតក្នុងការសង្ស័យថា កំពុងផ្ទុកមេរោគ Ebola។ នេះបើយោងតាមការឲ្យដឹងពីអង្គការសុខភាពពិភពលោក (WHO)។
ក្នុងចំណោមអ្នកស្លាប់ទាំងនោះ មាន ៥២នាក់ បានស្លាប់កាលពីសប្ដាហ៍មុន ដោយភាគច្រើនជាអ្នករស់នៅក្នុងតំបន់ភាគខាងលិចនៃប្រទេសអាហ្វ្រិក។
គួរបញ្ជាក់ផងដែរថា ជំងឺ Ebola បានផ្ទុះឡើងជាលើកដំបូង កាលពីខែមីនាកន្លងទៅ នៅក្នុងប្រទេសហ្គីណេ ហើយបច្ចុប្បន្នបានរាលដាល ដល់ប្រទេសមួយចំនួនទៀត ដូចជា លីបេរីយ៉ា, សេរ៉ាឡេអូន និងប្រទេសនីហ្សេរីយ៉ា៕
មតិយោបល់