មូស្គូ ៖ ប្រទេសរុស្ស៊ី កាលពីថ្ងៃព្រហស្បតិ៍ ម្សិលមិញនេះ បានជំរុញឲ្យគ្រប់ភាគី នៅក្នុងប្រទេសអ៊ុយក្រែន ត្រូវបង្កើតឲ្យមានបទឈប់បាញ់គ្នា ដើម្បីជាមធ្យោបាយសម្រាប់ផ្ដល់ជំនួយមនុស្សធម៌ដល់ប្រទេសនេះ។
យោងតាមការចុះផ្សាយរបស់ទីភ្នាក់ងារសារព័ត៌មានចិន ស៊ិនហួ បានឲ្យដឹងថា ក្រសួងការបរទេសរុស្ស៊ីបានចេញសេចក្ដីថ្លែងការណ៍មួយថា “នេះជាការចាំបាច់ដែលត្រូវធ្វើដើម្បីធានាឲ្យបាននូវសន្ដិសុខសម្រាប់បេសកកម្មជំនួយមនុស្សធម៌។ បទឈប់បាញ់គ្នាមួយ ជាតម្រូវការ សម្រាប់ស្ថានភាពនៅភាគខាងកើតអ៊ុយក្រែន”។
រដ្ឋមន្ត្រីការបរទេសរុស្ស៊ីលោក ស៊ឺហ្គៃ ឡារូវ និងភាគីអ៊ុយក្រែនលោក ផេវឡូ គ្លីមគិន នៅថ្ងៃនេះ បានពិភាក្សាគ្នាតាម ទូរស័ព្ទលើជំហាននយោបាយដែលគួរយកទៅធ្វើការសម្របសម្រួល ដល់ដំណើរការផ្ដលជំនួយមនុស្សធម៌នេះ។
ភាគីទាំងពីរបានព្រមព្រៀងគ្នាថា កងទ័ពរបស់រដ្ឋាភិបាលទាំងពីរ និងបណ្ដាក្រុមសកម្មប្រយុទ្ធ ឯករាជ្យ គួរទទួលខុសត្រូវសម្រាប់ការផ្ដល់ជំនឿជាក់ផ្នែកសន្ដិសុខ សម្រាប់បេសកកម្មនេះ។ ក្បួនរថយន្ដធំចំនួន ២៨០ គ្រឿងដែលផ្ទុកជំនួយមនុស្សធម៌ប្រហែលជា ២ពាន់តោនរួមមាន ម្ហូបអាហារ ថ្នាំពេទ្យ តង់ និងសម្ភារៈអគ្គិសនីមួយចំនួនទៀត៕
មតិយោបល់