បាងកក ៖ អង្គភាពប្រឆាំងអំពើពុករលួយថៃ បានចេញសេចក្ដីសម្រេចឲ្យសមាជិកសភាយោធាទាំងអស់ ធ្វើការប្រកាសទ្រព្យសម្បត្តិជាសារធាណៈ ក្នុងរយៈពេល ៣០ថ្ងៃ។ នេះបើយោងតាមសារព័ត៌មានក្នុងស្រុកថៃ Thai News ចេញផ្សាយកាលពីថ្ងៃព្រហស្បតិ៍ម្សិលមិញ។
សេចក្ដីសម្រេចនេះ ត្រូវបានធ្វើឡើងនៅក្នុងកិច្ចប្រជុំគណៈកម្មាធិការជាតិការពារ និងប្រឆាំងអំពើពុករលួយថៃ ដោយបានសំឡេងឯកឆន្ទបង្គាប់ឲ្យ សមាជិកសភាយោធា ទាំង ២០០រូប ធ្វើការប្រកាសទ្រព្យសម្បត្តិជាសាធារណៈ នៅក្នុងរយៈពេល ៣០ថ្ងៃ ចាប់ពីថ្ងៃថ្ងៃទី៨៨ ខែសីហា ដើម្បីបង្ហាញពីភាពស្អាតស្អំ ដល់សាធារណៈ ខណៈពេលខ្លួនចូលកាន់តំណែង។
អង្គភាពប្រឆាំងអំពើពុករលួយ នៅមិនទាន់បញ្ជាក់ថា មន្ត្រីយោធាជាន់ខ្ពស់ថៃ ដែលនឹងចូលកាន់តំណែងរដ្ឋាភិបាលនៅអាណត្តិថ្មីខាងមុននេះ ថាតើនឹងប្រកាសទ្រព្យសម្បត្តិដែរ ឬយ៉ាងណានោះទេ? ជាពិសេសគណៈរដ្ឋមន្ត្រីយោធា ដែលដឹកនាំដោយ លោក ប្រាយុទ្ធ ចាន់អូឆា មេដឹកនាំរដ្ឋប្រហារ នឹងត្រូវបង្កើតឡើងនាពេលឆាប់ៗនេះ៕
មតិយោបល់