ភ្នំពេញ: យុវជនបីនាក់ ដែលជាសកម្មជនគាំទ្រគណបក្សសង្គ្រោះជាតិ នៅថ្ងៃទី២២ខែសីហា ឆ្នាំ ២០១៤ នេះ ត្រូវបានចៅក្រមតុលាការសាលាឧទ្ធរណ៍ លោក សេង ស៊ីវុត្ថា សម្រេចដោះលែងឲ្យនៅក្រៅឃុំបណ្តោះអាសន្ន។
កាដោះលែងឲ្យនៅក្រៅឃុំជាបណ្តោះអាសន្ននេះ ត្រូវបានភ្ជាប់ជាមួយនឹងលក្ខខណ្ឌ ០៤ចំណុច ទី១. មិនឲ្យចេញទៅក្រៅប្រទេស ទី២. មិនត្រូវផ្លាស់ប្តូរទីលំនៅ ទី៣. ត្រូវចូលខ្លួនតាមការកោះហៅរបស់តុលាការ និងទី៤. ត្រូវតំកល់ប្រាក់ចំនួន ៣០លានរៀល។
គួរបញ្ជាក់ផងដែរថា យុវជនទាំងបីនាក់នេះ ត្រូវបានចាប់ខ្លួនកាលពីថ្ងៃទី០២ខែសីហា ឆ្នាំ២០១៤ ពាក់ព័ន្ធនឹងសំណុំរឿងបាតុកម្ម បង្កឲ្យមានអំពើហិង្សា នៅស្ពាននាគក្បែរទីលានប្រជាធិបតេយ្យ កាលពីព្រឹកថ្ងៃទី១៥ ខែកក្កដា ឆ្នាំ២០១៤៕
មតិយោបល់