ឆ្នេរសមុទ្រ​ទាំង ១០ ដែល​មាន​កន្លែង​ស្នាក់នៅ​ថោក​បំផុត​នៅលើ​ពិភពលោក​

​ជាមួយនឹ​ទេសភាព​ល្អ​ឯក ជាមួយ​នឹង​ដើមឈើ ដើមទ្រូង ដែល​កៀក​នឹង​ឆ្នេរ​ខ្សាច់ និង​សមុទ្រ​ពណ៌​ខៀវ​ថ្លា​ដូច​កញ្ចក់ និង​ទទួល​បាន​ការ​ក្រេប​រស់ជាតិ​នៃ​ទឹក​ផ្លែ​បែប​ធម្មជាតិ​ពិតៗ និង​ការ​ម៉ាស្សា ក៏ដូចជា​ការ​ស្នាក់នៅ វា​មិន​ថ្លៃ​នោះទេ បើសិនជា​អ្នក​ទេសចរណ៍​ទាំងឡាយ​ស្វែងរក​គោលដៅ​ដែល​ចង់​ទៅ​ត្រូវ​នោះ​។ ម្យ៉ាងវិញទៀត មិន​ត្រឹមតែ​មាន​តម្លៃ​ស្នាក់​នៅ​ធូរ​ថ្លៃ​ប៉ុណ្ណោះ​ទេ វា​ថែមទាំង​មាន មនុស្ស​នៅ​ជុំវិញ​ក្មេងៗ និង​ស្រស់ស្អាត​ទៀតផង ។ នេះ គឺជា​អ្វី​ដែល​ភ្ញៀវ​ទេសចរណ៍​ត្រូវការ ដើម្បី​ធ្វើឲ្យ​ដំណើរ​កម្សាន្ត និង​ការ​ស្នាក់នៅ ពោរពេញ​ទៅដោយ សភាព​រីករាយ ដូច​ឋានសួគ៌​។​
​ហេតុដូច្នេះ គេហទំព័រ ដំណឹង សូម​បង្ហាញ​តំបន់​ទេសចរណ៍ ទាំង ១០ ដែល​មាន​តម្លៃ ធូរ​ថ្លៃ បំផុត នៅលើ​ពិភពលោក ដែល​ធ្វើឲ្យ​ភ្ញៀវ​ទេ​ចរណ៍​ចង់​ទៅ​ហើយ ចង់​ទៅ​ទៀត ដែល​មាន​ដូចខាងក្រោម​នេះ​៖
១០. ប្រទេស​ព័រ​ទុ​ហ្គាល តម្លៃ ២៦ ដុល្លារ សម្រាប់​ការ​ស្នាក់នៅ​មួយ​យប់ ដោយ​មាន​បន្ទប់ ផ្ទាល់​ខ្លួន​មួយ រួមបញ្ចូល​ទាំង​ស្រា និង​អាហារ ដែល​ទាំងនេះ​ស្ថិតនៅ ឆ្នេរ​ខ្សាច់ Algarve ។​
https://i1272.photobucket.com/albums/y389/domneng/CheapestBeach2_zps420a921b.jpg
៩.​ហ្វីលីពីន ៖ ជា​ប្រទេស​មួយ​ដែល​ត្រូវបាន​គេ​ស្គាល់​យ៉ាងច្បាស់​ថា មាន​កោះ​រហូតដល់​ទៅ ៧១០០ កោះ និង​មាន​ឆ្នេរ​ដ៏​ស្រស់ស្អាត និង​វែង​ជាង​គេ​នៅលើ​ពិភពលោក​។ តំបន់ Boracay ជា​តំបន់​សម្រាក​លំហែកាយ ដែឡ​មាន​ប្រជាប្រិយភាព​បំផុត ជាមួយនឹង ឈ្នួល​បន្ទប់​គេង​តម្លៃ​តែ ២៣ ដុល្លារ ក្នុង​មួយ​យប់ ។​
https://i1272.photobucket.com/albums/y389/domneng/CheapestBeach1_zpsb38efbf6.jpg
៨. ប៉ា​ណា​ម៉ា មាន​ឆ្នេរ​ខ្សាច់មួយ ឈ្មោះថា Caribbean និង មហាសមុទ្រ​ភាគ​ខាងជើង ។ ទីនេះ​មាន​កោះ​មួយ​ឈ្មោះថា Colon និង​មាន​កន្លែង​តូចៗ​ព័ទ្ធជុំវិញ​ជើង​កោះ រួម​ទាំង​សណ្ឋាគារ​ផ្តល់​ការ​ស្នាក់នៅ​ប្រចាំថ្ងៃ​របស់​ភ្ញៀវទេសចរ ដែល​មួយ​យប់​ចំណាយ​តែ ២០ ដុល្លារ និង​អាហារ​អាច​តម្លៃ​ទាប​ជាង ២ ដុល្លារ​។​
https://i1272.photobucket.com/albums/y389/domneng/CheapestBeach5_zps4d80be1f.jpg
៧. អេ​ហ្ស៊ី​ប​៖ គោលដៅ​សម្រាប់​ភ្ញៀវ​ទេសចរណ៍​ទៅ​កម្សាន្ត​នៅ​ទីនោះ គឺជា​រដូវរងារ ហើយ​អំឡុងពេល​ខែ​ក្តៅ ជា​ពេលដែល​តម្លៃ​ទំនិញ​នៅ​ក្នុង​ប្រទេស​នេះ ធូរ​ថ្លៃ ។ សម្រាប់​រមណីយដ្ឋាន ដែល​ពេញនិយម​ជាងគេ​នៅក្នុង​ប្រទេស​នេះ​គឺ Sharm el Sheikh ។ ដោយឡែក​សម្រាប់​ការ​ស្នាក់​នៅ​ទី​នេះ​ដែរ សម្រាប់​បន្ទប់​មួយ​ក្នុង​រយៈពេល ១ យប់​គឺ ២០ ដុល្លារ​។​
https://i1272.photobucket.com/albums/y389/domneng/CheapestBeach9_zps2aba174f.jpg
៦.​ប៉ូឡូញ​៖ មិន​ប្រេ​ស​មួយ​ដែល​គេ​សម្គាល់ថា សម្បូរ​ដីខ្សាច់​នោះទេ ប៉ុន្តែ​ចំណុច​សំខាន់​តំបន់​ខ្សាច់​នោះ នៅជាប់​ឆ្នេរសមុទ្រ​ឬ​អត់ តែប៉ុណ្ណោះ​។ Polish Riviera ជា​ឆ្នេរ​ខ្សាច់មួយ ដែល​ពេញនិយម ដោយ​តែងតែ​ទទួល​បាន​អ្នកជិតខាង អាល្លឺម៉ង់ ចូល​មក​កម្សាន្ត ។ តំបន់​ដែល​ទទួលបាន​ប្រជាប្រិយភាព​ជាង​នេះ​គឺ Ustka ក្នុងនោះ​ក៏​មាន Gdansk និង Gdynia និង​មាន​តម្លៃ​ស្នាក់នៅ​ក្នុង​មួយ​យប់​តែ ២០ ដុល្លារ​តែ​ប៉ុណ្ណោះ​។​
https://i1272.photobucket.com/albums/y389/domneng/CheapestBeach6_zps60fbc981.jpg
៥. វ៉េនេ​ហ្ស៊ូ​ឡា ៖ គេ​ស្គាល់​ប្រទេស​នេះ​តាមរយៈ​ការនាំចេញ​ប្រេងកាត និង​ជា​ជម្រុក​ស​ម្បូរប្រេងកាត និង​មាន​និន្នាការ​នយោបាយ​ប្លែក​។ ប៉ុន្តែ​ប្រទេស​នេះ មាន​ឆ្នេរ​ខ្សាច់​ដ៏​វែង នៅ Caribbean Sea ។ Isla Margarita ជា​ឆ្នេរ​ដែល​មាន​ប្រវែង ១០៦ ម៉ៃល៍ និង​មាន រមណីយដ្ឋាន​ជាង ៥០ ដែល​ត្រូវ​ជ្រើសរើស ។ ទន្ទឹម​ជាមួយនឹង​គ្នា​នេះ​ដែរ បន្ទប់​ស្នាក់នៅ នៅ Playa El Agua តម្លៃ ១៥ ដុល្លារ​សម្រាប់​មួយ​រាត្រី និង​ថ្លៃ​អាហារ​ថោក​ជាង ៥ ដុល្លារ​។​
https://i1272.photobucket.com/albums/y389/domneng/CheapestBeach7_zps1f127c0e.jpg
៤.​ប៊ុលហ្គារី ៖ សម្រាប់​ជម្រើស​ដែល​ភ្ញៀវ​ចង់ទៅ​កម្សាន្ត​នៅ​ទីនេះ គឺមាន​តែ​សមុទ្រ​ខ្មៅ តែប៉ុណ្ណោះ ដោយ​អ្នក​អាច​រីករាយ ដេក​សំដិល​ថ្ងៃ លើ​ដីខ្សាច់ ដូច​ជា​កន្លែង Balchik, Albena, Sunny Beach និង Varna ប៉ុន្តែ​សម្រាប់​អ្នក​ដែល​មាន​ថវិការ​ស្តួចស្តើង គួរតែ​ព្យាយាម ទៅ​កម្សាន្ត​នៅ Nessabar ដោយ​នៅទីនេះ​មានការ​ស្នាក់​នៅ​ធូរ​ថ្លៃ ពោល​គឺ​បន្ទប់​មួយ​ក្នុង ១ យប់​គឺ តម្លៃ​តែ ១០ ដុល្លារ​តែ​ប៉ុណ្ណោះ​។​
https://i1272.photobucket.com/albums/y389/domneng/CheapestBeach4_zps9731d7d7.jpg
៣.​ក្រិក ៖ សម្រាប់​អ្នកដំណើរ​ដែល​មិនសូវ​ជា​សម្បូរ​ធនធាន គោលដៅ​ដ៏​ល្អ​បំផុត​នោះ​គឺ​ទៅកាន់​ប្រទេសក្រិក ព្រោះថា​នៅ​ទីនេះ វា​មាន​តម្លៃ ថោក និង​សមរម្យ ទាំង​ការ​ស្នាក់នៅ និង​ម្ហូបអាហារ ។​តំបន់​ដែល មានតម្លៃ​ធូរ​ថ្លៃ គឺ Halkidiki, Zakynthos និង Thassos មានតម្លៃ ៧ ដុល្លារ សម្រាប់​ការ​ស្នាក់នៅ​មួយ​យប់ ដោយ​អាហារ​ស្ថិតនៅ​ចន្លោះ​តម្លៃ​ពី ៣ ដុល្លារ ទៅ ១០ ដុល្លារ​។​
https://i1272.photobucket.com/albums/y389/domneng/CheapestBeach8_zps1c38b59e.jpg
២.​វៀតណាម​៖ បន្ទប់​ស្នាក់នៅ​ក្នុង​ប្រទេស​មួយ​នេះ​មានតម្លៃ​ធូរ​ថ្លៃ ជាង​បណ្តា​ប្រទេស​ដទៃ ហើយ​តំបន់​ដែល​អ្នក​គួរតែ​ទៅ​កម្សាន្ត និង​ស្នាក់នៅ គឺ Da Nang ដោយ​ថ្លៃ​បន្ទប់​ស្នាក់នៅ​តែ ៦ ដុល្លារ ក្នុង​មួយ​យប់ និង​រីករាយ​នៅ​តំបន់​ដែល​ជាប់​នឹង​ឆ្នេរសមុទ្រ សមុទ្រ​ចិន ដែល​មាន​រលក​សមុទ្រ​ធំ និង​ខ្យល់​សមុទ្រ​បរិសុទ្ធ​។ ដោយឡែក​អាហារ​នៅទីនេះ អាច​សាកល្បង​អាហារ​ដែល​នៅ​ចិញ្ចើមថ្នល់ ដោយ​មាន​តម្លៃ ក្រោម ១ ដុល្លារ​។​
https://i1272.photobucket.com/albums/y389/domneng/CheapestBeach3_zpse094030e.jpg
១. ថៃ​៖ មាន​ឆ្នេរ​ខ្សាច់ ដ៏​គួរឲ្យ​ចាប់អារម្មណ៍ ស្ថិត​នៅ​ភាគខាងត្បូង​ក្នុង​ប្រទេស​អាស៊ី និង​មាន​តំបន់​ស្អាត​គួរ​ចង់​ទស្សនា​។ សម្រាប់​នៅ​ទី​នេះ​ដែរ នៅ Bungalows លោកអ្នក​អាច​ជួល​បន្ទប់​ស្នាក់នៅ ក្នុងតម្លៃ ៣ ដុល្លារ ក្នុង​មួយ​រាត្រី នៅ កោះ​ឆាង​៕
https://i1272.photobucket.com/albums/y389/domneng/CheapestBeach10_zpsac168ce6.jpg