ភ្នំពេញ៖ បើទោះបី The Voice Cambodia ជាកម្មវិធីដ៏ល្អមែនពិត នៅក្នុងព្រះរាជាណាចក្រកម្ពុជា ក៏ប៉ុន្តែ គ្រូបង្វឹកកម្មវិធីនេះ នៅតែបន្តការរិះគន់ពីអ្នកលេងបណ្តាញសង្គមយក្សហ្វេសប៊ុក និងអ្នកតាមដានកម្មវិធីដ៏ធំមួយនេះ ។
The Voice Cambodia ដែលធ្វើឡើងនៅផ្សារ AEON កាលពីរាត្រីយប់មិញ នៅតែបន្តការរិះគន់ដដែល ខណ:ដែលហង្សមាស ក៏បានបើកដៃ ឲ្យរិះគន់ ដើម្បីកែលំអរ ដោយក្នុងនោះ ទំព័រ You Share បានសរសេរនៅលើទំព័ររបស់ខ្លួន ដោយភ្ជាប់មកជាមួយនឹងវិដេអូឃ្លិបថា ” Coach មិនចុច I want you ព្រោះខ្លាច យកមក ភាសារអង់គ្លេស ខ្សោយជាងបេក្ខជន ហើយបង្រៀន បេក្ខជនមិនកើត តាមមើលទៅ , ចេះតែញញឹម ប៉ុណ្ណឹងឯង” ។ ជាមួយនឹងសំណេរនេះ ធ្វើឲ្យអ្នកដែលគាំទ្រទំព័រនេះ បន្ថែមល្បើយបន្តបន្ទាប់ ដូចជា “យកគ្រូបឋមទៅឲ្យដាក់ពិន្ទុសិស្សមហាវិទ្យាល័យ ” និង “បានអីចុចបើពួកហ្នឹងអត់ចេះស្តាប់បទអង់គ្លេសផងហ្នឹង ” ។
បើទោះបីជាមានមតិជាច្រើនមិនពេញចិត្ត ដោយធ្វើការវាយប្រហារទៅលើ គ្រូបង្វឹក ទាំង ៤ តែក៏មានអ្នកលេងបណ្តាញសង្គមហ្វេសប៊ុកជាច្រើនទៀត បានមញ្ចេញមតិ ក្នុងន័យគាំទ្រថា “ទោះជាខ្ញុំក៏មិនចុចដែរ គាត់ច្រៀងមិនដល់តង់គេមែន” ខណ:ដែលអ្នកផ្សេងទៀតថា “សំលេងគាត់ពិរោះណាស់ហេតុអ្វីមិនច្រៀងខ្មែរ “ ។ ទន្ទឹមជាមួយនឹងគ្នានេះដែរទំព័រ ខាងលើ ដែលសរសេររិះគន់ទៅលើកម្មវិធី The Voice Cambodia ក៏បានរងការិះគន់ពីអ្នកលេងហ្វេសប៊ុកដូចគ្នាថា “សរសេរផុស ខុសអក្ខរាវិរុទ្ធទៀត ចឹងហើយនៅហ៊ានរិះគន់គេទៀត អន់ណាស់
ខ្សោយជាងបេក្ខជន មិនមែន ខ្សោយជាបេក្ខជន” ។
នេះមិនមែនជាលើកទី ១ នោះទេដែល The Voice Cambodia បានបើកឆាកមក សំលេងរិះគន់ ដ៏ច្រើន នៅតែមានបន្តបន្ទាប់ ជាពិសេសរិះគន់ទៅលើ គ្រូបង្វឹកទាំង ៤ ។ ដើម្បីយល់ជ្រាបកាន់ច្បាស់ថា នរណាខុស នរណាត្រូវ សូមធៀប នូវការច្រៀង ដែលបង្ហាញសំលេង និងវីដេអូ ដូចខាងក្រោមនេះ ៖
បេក្ខជន ដែលច្រៀងបទ Your Man នៅក្នុងកម្មវិធី The Voice ៖
បទ Your Man ច្រៀងដោយ លោក Josh Turner & Randy Travis ៖
មតិយោបល់