ក្រុងតូក្យូ៖ លោកនាយករដ្ឋមន្ត្រីជប៉ុន ស៊ីនហ្សូ អាបេ នៅថ្ងៃចន្ទទី២៥ខែសីហានេះ បានសន្យាផ្តល់ជំនួយពេញលេញសម្រាប់ជនរងគ្រោះនៃការបាក់ដីដ៏ធំកាលពីសប្តាហ៍មុននៅក្នុងតំបន់ហ៊ីរ៉ូស៊ីម៉ា ខណៈដែលលោកបានធ្វើដំណើរទស្សនកិច្ចជាលើកដំបូងទៅកាន់ទីនោះ បន្ទាប់ពីគ្រោះមហន្តរាយបានកើតមានឡើង។
នៅក្នុងដំណើរទស្សនកិច្ចនេះ លោកអាបេ បានថ្លែងថា រដ្ឋាភិបាល ក៏ដូចជាអាជ្ញាធរមូលដ្ឋានត្រូវយកចិត្តទុកដាក់យ៉ាងជិតស្និទ្ធជាមួយនឹងជនរងគ្រោះ ដើម្បីធានាបាននូវសុវត្ថិភាពសម្រាប់ពួកគាត់។ លោកបានសន្យាថា លោកនឹងធ្វើឲ្យជីវិតរបស់ជនរងគ្រោះវិលទៅរកភាពប្រក្រតីវិញនៅក្នុងពេលឆាប់ៗនេះ មានន័យថា រដ្ឋាភិបាលនឹងជួយទាំងស្រុងទៅលើជីវិតរស់នៅរបស់ពួកគេ ទៅតាមលទ្ធភាពដែលអាចធ្វើបាន។
យោងតាមរបាយការណ៍បានបញ្ជាក់ថា ចំនួនអ្នកស្លាប់ដោយសារគ្រោះរញ្ជួយដីនេះ បានកើនឡើងដល់ ៥២នាក់ និងបាត់ខ្លួនចំនួន ២៨នាក់ ហើយទ្រព្យសម្បតិ្តជាច្រើនត្រូវបានខូចខាត៕
មតិយោបល់