អង់គ្លេស៖ ក្លិបមាន់ខ្នាយមាស Tottenham បានចុះហត្ថលេខា ជាមួយនឹងខ្សែការពារ Federico Fazio រយៈពេល ៤ ឆ្នាំ ដោយទិញពីក្លិបអេស្ប៉ាញ Sevilla ។
ជាមួយនឹងការលក់កីឡាករ Michael Dawson ទៅកាន់ Hull City ក្លិបមាន់ខ្នាយមាស ដែលស្ថិតនៅភាគខាងកើតទីក្រុង ឡុងដ៏ បានប្រញាប់ប្រញាល់ទិញ កីឡាករវ័យ ២៧ ឆ្នាំ Federico Fazio ជួសខ្សែការពារកណ្តាលវិញ ។
Federico Fazio បានប្រាប់ដល់គេហទំព័រក្លិបថា “ខ្ញុំពិតជាសប្បាយរីករាយខ្លាំងណាស់ ដែលបានមកលេងនៅក្លិបនេះ ជាជាក្លិបដ៏អស្ចារ្យ និងមានកីឡាករល្អ ” ។កីឡាករនេះបន្តទៀតថា “ការមកដល់ក្លិបមាន់ខ្នាយមាស ព្រោះតែខ្ញុំគិតថា វាជាក្រុមល្អ ក្លិបល្អ ហើយក្លិបនេះជាក្លិបប្រវត្តិសាស្ត្រក្នុង លីកនៃប្រទេសអង់គ្លេសផងដែរ” ។
កីឡាករសញ្ជាតិអាហ្សង់ទីនរូបនេះ នឹងបង្ហាញទម្រង់លេងរបស់ខ្លួន នៅពេលដែលមាន់ខ្នាយមាស ប៉ះ ហង្សក្រហម នៅ ពហុកីឡដ្ឋាន White Hart Lane នាថ្ងៃអាទិត្យ ខាងមុខនេះ ៕
មតិយោបល់