ក្លិប Real Madrid បានអះអាងថា ពួកគេបានចុះហត្ថលេខាយកខ្សែប្រយុទ្ធ Javier Hernandez ពីក្លិបបិសាចក្រហម Manchester United ក្នុងលក្ខណៈខ្ចីជើងរយៈពេលវែង ។
កីឡាករវ័យ ២៦ ឆ្នាំ រូបនេះបានចូលរួមលេង ជាមួយនឹងក្លិបបិសាចក្រហម ខណៈដែលផ្លាស់ពី Guadalajara របស់ម៉ិចស៊ិក ក្នុងឆ្នាំ ២០១០ ហើយកំពុងតែស្វែងរកការចុះហត្ថលេខាជាថ្មី ដើម្បីបានមូលដ្ឋានអចិន្ទៃយ៍ មួយនៅចុងបញ្ចប់នៃរដូវកាលនេះ ។
ការលេងរបស់ Javier Hernandez នៅលើទឹកដី Old Trafford គឺមានភាពផុសផុល ដោយអាចស្វែងរកគ្រាប់បាល់ បាន ២០ គ្រាប់ ក៏ប៉ុន្តែគួរឲ្យសោកស្តាយគាត់ត្រូវបានគ្រូបង្វឹកបង្ខំឲ្យអង្គុយមើលការប្រកួត ក្នុងរដូវកាលថ្មីៗនេះ។
កីឡាករសញ្ជាតិម៉ិចស៊ិក រូបនេះ អាចចាត់ទុកថា នឹងអស់សង្ឈឹមសម្រាប់ការលេងរបស់ខ្លួន ជាមួយនឹងបិសាចក្រហម ខណៈដែល ក្លិបមួយនេះ បានខ្ចីជើង កីឡាករ Radamel Falcao ក្នុងតម្លៃលេង ១០ លានដុល្លារ ពី Monaco ៕
មតិយោបល់