ភ្នំពេញ៖ រឿងរ៉ាវអាហារដែលមានជាតិគីមី កំពុងក្លាយជាប្រធានបទ យកចិត្តទុកដាក់បំផុត ពីសំណាក់ប្រជាពលរដ្ឋ នៅទូទាំងប្រទេស ដោយប្រជាពលរដ្ឋខ្លះ ងាកមក ដាំបន្លែ បែបធម្មជាតិវិញ ដើម្បីបញ្ចៀសពីហានិភ័យនានា នាំឲ្យកើតជំងឺ ពីអហារដែលសម្បូរទៅដោយជាតិគីមី ។
មួយប្រាវមុននេះដែរ រឿងទឹកស៊ុប នាំចូលពីប្រទេសវៀតណាម បានធ្វើឲ្យប្រជាពលរដ្ឋនៅទូទាំង ប្រទេសកក្រើក ចង់ដឹងចង់ឭថា វាជាការពិតដែរឬទេ ? រឿងនេះដែរ រហូតដល់ថ្នាក់ទូរទស្សន៍ក្នុងស្រុកល្បីមួយ បានវែកញែក ថា ដូចអ្វីដែលគេបានចែកចាយលើបណ្តាញសង្គមហ្វេសប៊ុក ដែរឬអត់ ? ដល់ពេលដែលវែកញែក លើហាងលក់ស៊ុប ដ៏ធំមួយ នៅក្នុងទីក្រុងភ្នំពេញ ឃើញថា វាមិនដូចអ្វីដែលគេអះអាងលើបណ្តាញសង្គមឡើយ ។
កាលពីថ្ងៃទី ២៩ ខែ សីហា កន្លងមកនេះ រឿងទឹកស៊ុបនេះ នៅតែបន្ត ចែកចាយនៅលើទំព័រ Sokhthay Meng ថា”ទឹកស៊ុបយួនក្នុងហាងមួយនៅទីក្រុងភ្នំពេញដែលខ្ងុំលួចថតបានព្រឹកមិញនេះ” ។ ជាមួយនឹងការចែកចាយវីដេអូឃ្លិបនេះដែរ ត្រូវបានអ្នកលេងបណ្តាញសង្គមមួយនេះ ចែកចាយបន្តរាប់ពាន់នាក់ និងកក្រើកហ្វេសប៊ុក សារជាថ្មីម្តងទៀត។ ជាមួយនឹងព័ត៌មានដ៏គួរឲ្យចាប់អារម្មណ៍នេះ មានអ្នកលេងបណ្តាញសង្គមហ្វេសប៊ុក ដែលជាមិត្តរបស់ ទំព័រ Sokhthay Meng បានសួរថា “នៅហាងណាពូ? ” ម្ចាស់គណនីដែលចែកវីដេអូឃ្លិបនេះ តបវិញថា នៅផ្សារទួលទំពូង។
បើយោងតាមស្ថានីយ៍ទូរទស្សន៍ ហង្សមាស ចុះផ្សាយកន្លងមកបានអះអាងថា “ប៊ីដុងដែលគេយល់ច្រឡំថាទឹកស៊ុបយួននោះ វាជាប្រភេទ មេទឹកក្រូច ប្រេងឆា ឬមេទឹកផ្លែឈើ តែប៉ុណ្ណោះ មិនមែនទឹកស៊ុបយួន ដែលគេយល់ច្រឡំនោះឡើយ” ។
ក៏ប៉ុន្តែតាមការសន្និដ្ឋានរបស់អ្នកលេងហ្វេសប៊ុក ខ្លះៗ បានយល់ឃើញថា ប៊ីដុង ដែលទំព័រខាងលើចែកចាយនោះ អាចជាទឹកត្រី ឬ មេទឹកក្រូច តែប៉ុណ្ណោះ មិនដូចអ្វីដែលគេចែកចាយលើបណ្តាញសង្គមហ្វេសប៊ុកឡើយ។
បើសិនជាករណីនេះពិត ថាជាទឹកស៊ុបយួនមែន ខាងសមត្ថកិច្ច គួរតែស្រាវជ្រាវ ស្វែងរកការពិតមកបញ្ជាក់ ដើម្បីកុំឲ្យ ប៉ះពាល់ដល់សុខភាពប្រជាពលរដ្ឋយ៉ាងធ្ងរធ្ងរ និងលុបបំបាត់ការយល់ច្រឡំ អ្នកលេងបណ្តាញសង្គមហ្វេសប៊ុក ដែលក្លាយជាមេរោគសង្គមដ៏ធ្ងន់ធ្ងរនេះ ៕
ទស្សនាឃ្លិបដូចខាងក្រោមនេះ ៖
មតិយោបល់