​ក្លិប Barcelona បានបញ្ជាក់​ថា ខ្សែការពារ Dani Alves នឹង​ចាកចេញ​ពី​ក្លិប នៅពេលដែល​កិច្ចសន្យា​របស់​គាត់​ផុតកំណត់ នៅ​ចុងរដូវ​កាល​នេះ ។​
​មាន​ការរំពឹង​ទុក​ថា កីឡាករ​សញ្ជាតិ​ប្រេ​ស៊ីល នឹង​ចាកចេញ​ពី​ក្លិប នៅក្នុង​អំឡុង​ពេល​ទីផ្សារ​កីឡាករ​ផ្ទេរ ដោយ​មាន​ក្លិប PSG និង ហង្ស​ក្រហម Liverpool ចាប់អារម្មណ៍ ។​
​ទោះបីជា​យ៉ាងនេះក្តី នៅពេលនេះ Alves មិនទាន់​បាន​ចាកចេញ​ឡើយ ដោយ​ចំណាយ​ពេល​លេងឲ្យ​ពហុកីឡដ្ឋាន Camp Nou មួយ​រដូវ​កាល​ទៀត មុន​នឹង​ចាកចេញ ។​

​ថ្លែង​ទៅ​កាន់​សារព័ត៌មាន​លោក Andoni Zubizarreta បាន​និយាយថា “​យើង​ពិតជា​រីក​រយា​ខ្លាំងណាស់ ដែល Dani Alves បន្ត​ស្នាក់​លេង​នៅទីនេះ​។ ដោយ​ភាគី​ទាំងពីរ​បាន យល់ព្រម​បញ្ចប់​កុងត្រា​នៅ​ឆ្នាំ ២០១៥ ” ។​

​កីឡាក​រវ័យ ៣១ ឆ្នាំ​រូប​នេះ បាន​ចូលរួម​លេង នៅ Bacelona បន្ទាប់​ពី​ផ្លាស់​មក ពី Sevilla ក្នុងតម្លៃ ៣៨ លាន​អឺរ៉ូ ក្នុង​ឆ្នាំ ២០០៨ និង​ជួយ​ឲ្យ Bacelona ឈ្នះ​ពាន La Liga ចំនួន ៤ Copa del Reys ចំនួន ២ និង UEFA Champions League ២ ដូច​គ្នា​ផង​ដែរ ៕

​