លោក Qu Daokui ដែលជាអគ្គនាយកប្រតិបត្តិរបស់សហគ្រាសបានគូសបញ្ជាក់ថា សហគ្រាស SIASUN Robot and Automation Co., Ltd ដែលមានសមត្ថភាពក្នុងការផលិតប្រចាំ ឆ្នាំចំនួន ៥០០០ គ្រឿងនោះ នឹងផលិតមនុស្សយន្តឧស្សាហកម្មដំបូងបង្អស់ នៅក្នុងប្រទេសចិន។
មនុស្សយន្តទាំងនោះ នឹងត្រូវយកទៅប្រើប្រាស់ នៅក្នុងវិស័យនានា ជាពិសេសនៅក្នុងការផ្សារភ្ជាប់ ផ្គុំដំឡើងការស្ទូចលើកដាក់ និងការដុសខាត់។
តាម លោក Qu បានឱ្យដឹងថា ខ្សែសង្វាក់ផលិតកម្មកំពុងស្ថិតនៅក្នុងការសាកល្បង ហើយកាលបរិច្ឆេទពិតប្រាកដនៃ ការបើកសម្ពោធនោះ មិនទាន់ ប្រកាសឱ្យដឹងនៅឡើយទេ ។ លោក Qu ដែលជាអគ្គនាយកនៃ China Robot Industry Alliance ផងដែរ បានពន្យល់ថា វិស័យដែលប្រើ ប្រាស់មនុស្សយន្ត នឹងត្រូវបានពង្រីកចេញពីឧស្សាហកម្មលំដាប់ខ្ពស់ ដូចជា ឧស្សាហកម្ម ផលិតរថយន្ត និង ផលិតឧបករណ៍អេឡិចត្រូនិក នៅក្នុង ឧស្សាហកម្មបែបបុរាណ ដែលក្នុងនោះ មានឧស្សាហកម្មកែច្នៃលោហធាតុ គ្រឿងសម្ភារបន្ទប់ទឹក ចំណីអាហារ និង ភេសជ្ជៈ។
ដោយមានមនុស្សយន្តឧស្សាហកម្ម ៣៧.០០០គ្រឿង ត្រូវលក់ដាច់នៅក្នុងប្រទេសនោះ ចិន បានក្លាយជាទីផ្សារមនុស្សយន្តដ៏ធំបំផុតរបស់ពិភពលោក ក្នុងឆ្នាំ២០១៣ ដែលតំណាងឱ្យ ២០%នៃចំណែកទីផ្សារពិភពលោក។
តាមលោក Ding Han ដែលជាសមាជិកបណ្ឌិតសភាវិទ្យាសាស្ត្ររបស់ចិន បានឱ្យដឹងថា ការដំឡើងតម្លៃពលកម្ម និង វ័យចំណាស់របស់ប្រជាជន បានជំរុញឱ្យប្រទេសចិនប្រើប្រាស់ មនុស្សយន្តឧស្សាហកម្ម ដែលលើកទឹកចិត្តឱ្យបានស្របគ្នា ទៅនឹងអន្តរកម្មនៃភាព ប៉ិនប្រសប់ របស់ឧស្សាហកម្មកម្មន្តសាល៕
មតិយោបល់