ភ្នំពេញ៖ ក្នុងអំឡុងពេលឃោសនាបោះឆ្នោត កាលពីថ្ងៃទី ២៨ ខែ កក្កដា ឆ្នាំ ២០១៣ និងក្រោយការបោះឆ្នោត ធី សុវណ្ណថា ជាសកម្មជនបក្សសង្គ្រោះជាតិ ដ៏ល្បីល្បាញ ទាំងក្នុងប្រទេស និងក្រៅប្រទេស ដែលទទូលស្គាល់សកម្មភាពដ៏មោះមុតរបស់នាង ក្នុងរបបសកម្មភាពនយោបាយ ។
កេរ្តិ៍ឈ្មោះល្បីល្បាញ តាមរយៈហ្វេសប៊ុក និងបណ្តាញសារព័ត៌មាននានា ទាំងក្នុងនិងក្រៅស្រុក បានធ្វើឲ្យ ធី សុវណ្ណថា ក្លាយជាមនុស្សដ៏សំខាន់បម្រើដល់របបនយោយបាយ បក្សសង្គ្រោះជាតិ និងត្រូវបាន ប្រជានិយមបក្សមួយនេះ ដាក់ឈ្មោះ ឲ្យថា ជាវិរៈនារីសង្គ្រោះជាតិ ។ ក៏ប៉ុន្តែជាមួយនឹងកេរ្តិ៍ឈ្មោះ ល្បីល្បាញ ក៏លេចឭព័ត៌មានថា នាង ធី សុវណ្ណថា មានរឿងឈ្លោះទាស់ទែង ជាមួយនឹងកូនស្រី លោក កឹម សុខា អនុប្រធានគណបក្សសង្គ្រោះជាតិ នាង កឹម មនោវិទ្យា ។
តពីរឿងចាស់ មិនទាន់ស្ងប់ស្ងាត់ផង ស្រាប់តែមានរឿងថ្មីមួយទៀត វាយប្រហារទៅលើ នាង ធី សុវណ្ណថា អ្នកប្រឡូកនយោបាយវ័យក្មេង នៅលើបណ្តាញសង្គមហ្វេសប៊ុក ដោយម្ចាស់គណនីម្ចាស់ CNRP Dossier បានសរសេរលើគណនីហ្វេសប៊ុកខ្លួនថា “ពីស្រីក្រមុំក្លាយទៅជាស្រីបំរើតណ្ហានយោបាយផ្លូវភេទ” ។ ជាមួយនឹងឃ្លាដែលបង្កប់នូវន័យអសុរសនេះដែរ ត្រូវបានអ្នកគាំទ្រនាង ធី សុវណ្ណថា ជេរយ៉ាងចាស់ដៃទៅលើម្ចាស់គណនីខាងលើ និងធៀបទៅជាស្រីយួនថែមទៀតផង។
ជាមួយនឹងរឿងដ៏ភ្ញាក់ផ្អើលថា “ធី សុវណ្ណថា ពីស្រីក្រមុំក្លាយជាស្រីបម្រើតណ្ហានយោបាយ “ នេះ យើងមិនអាចសុំការបំភ្លឺពី ធី សុវណ្ណថា បាននៅឡើយទេ ថានាងមានមតិច្រាស់មកវិញ យ៉ាងណានោះ ខណៈមិនអាចទំនាក់ទំនងបាន ៕
មតិយោបល់