ក្រុមសាខាឬស្សីកែវបានយកឈ្នះក្រុមសាខាទួលគោក៥ទល់នឹង១ ក្នុងការប្រកួតបាល់ទាត់ជាលក្ខណៈមិត្តភាពក្របខណ្ឌធនាគារអេស៊ីលីដា នៅលើទីលានដំរីស ស្ថិតក្នុងមជ្ឍមមណ្ឌលគរុកោសល្យភូមិភាគរាជធានីភ្នំពេញអូរបែកក្អម ។
ការប្រកួតក្នុងតង់ទី១ ក្រុមសាខាឬស្សីកែវ រកគ្រាប់បាល់បាននាំមុខបណ្តោះអាសន្ន៤ទល់នឹង០ ពេលចូលដល់តង់ទី២ ក្រុមសាខាទួលគោក បានព្យាយាមវាយបកវិញណាស់ដែរ តែរកបាន១គ្រាប់សងវិញប៉ុណ្ណោះ ខណះក្រុមសាខាឬស្សីកែវ រកកបាន១គ្រាប់បន្ថែមទៀត ។
គូទី២ក្រុមសាខាស្រុកកណ្តាលស្ទឹង ជួបប្រកួតជាមួយក្រុមសាខាពោធិ៍ចិនតុង ។ ក្នុងមួយប្រកួតនេះ ក្រុមសាខាពោធិ៍ចិនតុង មានប្រៀបនិងកំលាំងបច្ចេកទេសលេងយ៉ាងល្អ ដោយគេអាចរកគ្រាប់បាលបានផ្ទួនៗចំនួន៧គ្រាប់ ដោយក្នុងតង់ទី១ចំនួន៣គ្រាប់ និងតង់ទី២ចំនួន៤គ្រាប់ ។ រីឯក្រុមសាខា ស្រុកកណ្តាលស្ទឹង គេអាចរកកគ្រាប់បាលបានសងវិញចំនួន៤គ្រាប់ ដោយបញ្ចប់តង់ ក្រុមសាខា ក្រុមសាខាពោធិ៍ចិនតុង ឈ្នះស្រុកកណ្តាលស្ទឹង ដោយលទ្ឋផល៧ទល់នឹង៤ ។
ចំណែកឯនៅលើទីលានសកលវិទ្យាល័យមេគង្គកម្ពុជាវិញ គឺក្រុមសាខាបឹងត្របែក ប្រកួតស្មើរ ជាមួយក្រុមសាខាខេត្តកណ្តាល៣ទល់នឹង៣ និងក្រុមសាខាម៉ៅសេទុង ចាញ់ក្រុមសាខាស្ទឹងមានជ័យ ៣ទល់នឹង១ ។ ក្រុមនីមួយៗបានខិតខំប្រកួតគ្នាយ៉ាងស្វិតស្វាញ អស់ពីសមត្ថភាពរៀងៗខ្លួន ប៉ុន្តែអ្វី ដែលគោលបំណងសំខាន់នោះ គឺគ្រប់សាខាធនាគារអេស៊ីលីដា នៅទូទាំងប្រទេស តែងតែបានណាត់ ជួបប្រកួតគ្នានៅរៀងរាល់ចុងសប្តាហ៍ ដើម្បីឱ្យបុគ្គលិក ដែលជាកីឡាករ កាន់តែមានទំនាក់ទំនងល្អជាមួយគ្នា ហើយវាជាចលនាមួយយ៉ាងសំខាន់ ក្នុងការគៀងគរយុវជន មហាជនពីគ្រប់មជ្ឍដ្ឋាន ឱ្យមកចូលរួមលេងកីឡាទាំងអស់គ្នា ដើម្បីសុខុមាលភាព ជៀសវាងប្រព្រឹត្តអំពើអបាយមុខផ្សេងៗ ដែលប្រាស់ចាកពីសីលធម៌សង្គម ៕
មតិយោបល់