អង់គ្លេស៖អតីតគ្រូបង្វឹករបស់ហុល្លង់ មិនទាន់ស្វែងរកពាក្យថាឈ្នះជូនក្លិបបិសាចក្រហម នៅឡើយ ប៉ុន្តែអតីតជំនួយការរបស់លោក មានទំនុកចិត្តថា បទពិសោធរបស់បុរសខ្លាំងសញ្ជាតិហុល្លង់ នឹងធ្វើឲ្យក្លិបនេះឈ្នះសារជាថ្មី ។
អ្នកចាត់ការទូទៅក្លិបតោខៀវ Jose Mourinho រំពឹងថា Louis van Gaal នឹងងើបឡើងវិញពីភាពក្រខ្សត់នៃពាក្យថាឈ្នះ ដើម្បីធ្វើឲ្យរជ្ជកាលដែលលោកកាន់កាប់ នៅ Old Trafford ទទួលបាននូវភាពស្រស់ថ្លាវិញ ។
ដើម្បីបង្កើនប្រសិទ្ធភាព និងស្វែងរកពាក្យថាឈ្នះ ក្លិបបិសាចក្រហម បានយល់ព្រម ទិញស្លាបប្រយុទ្ធសញ្ជាតិអាហ្សង់ទីន Angel Di Maria និង Radamel Falcao ដើម្បីស្តារកេរ្តិ៍ឈ្មោះរបស់គាត់ ។
Mourinho បានប្រាប់ដល់ Yahoo ថា “គាត់គឺជាផ្នែកមួយនៃការគ្រប់គ្រងដ៏ល្អបំផុត នៅលើពិភពលោក ដូច្នេះ ខ្ញុំគិតថាគាត់គឺជាមនុស្សម្នាក់ ដែលមានបទពិសោធដ៏អស្ចារ្យបំផុត។ មូលហេតុដែលខ្ញុំគិតថាបិសាចក្រហមនឹងជោគជ័យក្រោមថ្វីដៃគាត់ នោះគឺ ក្លិបនេះជាក្លិបដ៏ធំ ហើយគាត់ជាអ្នកដឹកនាំដ៏មានបទពិសោធន៍ពេញលេញ ខ្ញុំជឿថាគាត់នឹងធ្វើយ៉ាងល្អ” ៕
មតិយោបល់