ភ្នំពេញ៖ ល្បែងស្នេហា នៅគង់វង្ស អាស្រ័យលើថវិកា ដែលនាំឲ្យស្នេហាទាំងនោះផ្អែមល្អែម តែមិនមែនមានន័យ មិនមានភាពវៀចវេនោះទេ ។ ស្នេហា ដែលគ្មានប្រាក់ ក៏ដូចគ្នាដែរ ផ្អែមល្អែមតែដំបូង តែយូរៗទៅ នឹងមានភាពរកាំរកូសដូចគ្នា ដោយរអ៊ូមុខ រអ៊ូក្រោយ រួចក៏ចាប់ផ្តើមមានចិត្តផិតក្បត់ ជាក់ជាមិនខាន តែមិនមែនមានន័យថាស្នេហា អ្នកក្រ លើលោកនេះដូចគ្នានោះទេ ក៏មានមនុស្សស្មោះដែរ ។ ជាក់ស្តែង អត្ថន័យសម្តែង និងទំនុកច្រៀងក្នុងបទ “បែកពីអូនបងមានលុយចាយជាងមុន” បានបង្ហាញយ៉ាងច្បាស់ថា ខាងស្រីមានចិត្តក្បត់ទាំងខ្លួនបានភ្ជាប់ទំនាក់ទំនងស្នេហានឹងគ្នា តាមបែបបទប្រពៃណីរួចរាល់ហើយ ខណៈដែល ខេម ត្រឹមតែកងសន្ថិសុខ ដោយពឹងផ្អែកលើកង់កញ្ជាស់ សម្រាប់ធាក់ធ្វើការ និងចាញ់ស្នេហា ព្រោះតែកន្លង់ មានរថយន្តទំនើបជិះ ធ្វើឲ្យខាងស្រីដោះដៃស្រវ៉ាអ្នកមាន ។ ក្រោយពីភាពឈឺចាប់នេះ ខេម បានប្រែក្លាយជីវិត ថ្កុំថ្កើង តាមរយៈក្រុមហ៊ុនទូរស័ព្ទមួយ ដោយមានរថយន្តទំនើបជិះ ដូចគេ និង មានការងារល្អធ្វើផងដែរ មានមុខមាត់ក្នុងសង្គម តែនៅតែអាល័យដល់ស្នេហាចាស់ ចង់ដឹងសុខទុក្ខ គេថែនាងបានល្អដែរអត់ ? ត្រង់នេះ បានបញ្ជាក់យ៉ាងច្បាស់ថា ពីកងសន្ថិសុខ តស៊ូប្រែក្លាយជីវិតមានរថយន្តជិះ ទំនើបៗ ដូចគេដូចឯង ដូច្នេះ សម្រាប់អ្នកដែលតស៊ូក្នុងការងារ ប្រាកដ កុំអស់សង្ឈឹម ព្រះនឹងមើលឃើញ បើវាសនា នៅមាន ៕
ទស្សនាបទ “បែកពីអូនបងមានលុយចាយជាងមុន” ដូចខាងក្រោមនេះ៖
មតិយោបល់