អង់គ្លេស​៖អ្នកចាត់ការទូទៅក្លិប បិសាចក្រហម Louis van Gaal បានបញ្ជាក់ថា គាត់នឹង​ឲ្យកីឡាករវ័យក្មេងរបស់គាត់ លេង​នៅចុងសប្តាហ៍នេះ ​ពេលប៉ះ ជាមួយនឹង West Ham ខណៈដែលគាត់កំពុងជួបវិបត្តិការពារ ។​
កីឡាករបិសាចក្រហម មានមិនតិចជាង ៩ នាក់នោះទេ ដែលកំពុងទទួលការព្យាបាល ប៉ុន្តែ Tyler Blackett ដែលជាកីឡាករវ័យក្មេង​ដ៏ល្អ ​ទទួលបានកាតក្រហម ក្នុងអំឡុងពេលជួប Leicester City ដោយត្រូវព្យួរលេង​ កំពុងធ្វើឲ្យ Van Gaal ឈឺក្បាលដើម្បីចុចឈ្មោះខ្សែការពារថ្មី ទទួលភ្ញៀវ West Ham នៅថ្ងៃសៅរ៍នេះ ។​ សម្រាប់ Marcos Rojo ខ្សែការពារចំណូលថ្មី ​នៅតែបង្ហាញខ្លួនលេងនៅលើទីលានបិសាចក្រហមដដែល ។​
លោក Van Gaal បាននិយាយថា “នៅពេលដែលយើង មានកីឡាករ ៩ នាក់របួស និង​ម្នាក់ត្រូវបានព្យួរលេង នោះ កីឡាករវ័យក្មេងក្នុងក្លិប នឹងមានឱកាសលេង សម្រាប់ចុងសប្តាហ៍នេះ។ ខ្ញុំកំពុងជួបការលំបាកជាច្រើន លើខ្សែការពារនេះ តែនឹង​រកវិធីផ្សេងគ្នា ដើម្បីប្រឈមមុខនឹងភាពលំបាកនេះ បើមិនធ្វើឲ្យខ្លួនយល់ដឹងខ្ពស់ទេ ​អ្នកនឹងមិនអាចលេងល្បែងបានឡើយ​ ” ។​