អេស្ប៉ាញ៖អ្នកចាត់ការទូទៅក្លិបអធិរាជស Real Madrid លោក Carlo Ancelotti បានបរិយាយជាមួយនឹងពាក្យចចាមអារាម កីឡាករ Ronaldo ផ្លាស់ទៅកាន់អតីតក្លិបបិសាចក្រហម Manchester United គឺជាគំនិតចោលម្រៀតតែប៉ុណ្ណោះ ។
កីឡាករ Ronaldo បាក្លាយទៅជាកីឡាករដែលមានតម្លៃខ្លួនថ្លៃបំផុត លើពិភពលោក នៅពេលដែលគាត់បានចូលរួមលេងនៅទឹកដី Los Blancos ដោយផ្លាស់មកពីបិសាចក្រហម ក្នុងឆ្នាំ ២០០៩ ដោយតម្លៃខ្លួន ៨០ លានផោន ហើយជួយឲុ្យក្លិបឈ្នះពានរង្វាន់ជាច្រើននៅអេស្ប៉ាញ ។
ថ្មីៗនេះព័ត៌មានលេចឭថា គាត់នឹងវិលទៅកាន់ទឹកដី Old Traford វិញ នៅពេលអនាគតដ៏ខ្លីខាងមុខ ដោយទំហំទឹកប្រាក់ ១០០ លានផោន ដើម្បីចាកចេញពីរដ្ឋធានីអេស្ប៉ាញ។
ទោះបីជាយ៉ាងនេះក្តី លោក Ancelotti បានច្រានចោលនូវពាក្យចចាមអារាម ថា កីឡាករ Ronaldo បានប្តេជ្ញាចិត្តនៅ ជាមួយនឹង Real និងមិនរំពឹងថា ចាកចេញពីក្លិបក្នុងពេលឆាប់ៗនេះឡើយ។
គ្រូបង្វឹករូបនេះបានបន្តថា ខ្ញុំជឿជាក់ថា ព័ត៌មានដែលចុះផ្សាយកន្លងមកមិនសមហេតុផលឡើយ ជាគំនិតចោលម្សៀត ដោយពេលនេះ Ronaldo សប្បាយចិត្ត នៅលេងជាមួយនឹងក្លិប ហើយ Real Madrid ក៏រីករាយជាមួយនឹងគាត់ ៕
មតិយោបល់