ភ្នំពេញ៖ តារាចម្រៀង ដែលកំពុងជាប់ងារ ជាកំពូលតារាចម្រៀង ដូចទៅនឹងលោក ព្រាប សុវត្តិ ដែរនោះ គឺ ខេម ប៊ុនថៃ ហៅ ខេមរៈ សិរីមន្ត កំពុងតែក្តោបប្រជាប្រិយភាពយ៉ាងសម្បើម នៅទូទាំងប្រទេស តាមរយៈបទចម្រៀងដ៏ពិរោះៗរបស់ខ្លួន ចេញស្ទើគ្រប់វ៉ុល នៅក្នុងផលិតកម្ម សាន់ដេ ។
ខេមរៈ សិរីមន្ត បើនិយាយអំពីឈ្មោះ ក្នុងបញ្ជី ខេម ប៊ុនថៃ ជាក់ណាស់ ស្តាប់ទៅឈ្មោះនេះ ដូចទៅនឹង ឈ្មោះបងធំ ប្រចាំភូមិ ឬប្រចាំតំបន់ ហើយគ្រាន់តែឭឈ្មោះ អាចនឹងធ្វើឲ្យគេឯងក្រែងរអាលដើរគេច ក៏ថាបានដែរ ។ ភ្ជាប់ជាមួយនឹងឈ្មោះ លក្ខណៈជាបងធំនេះ ថ្មីៗនេះ សីរីមន្ត កំពុងតែកែប្រែខ្លួនពីបងធំ ទៅជាមនុស្សល្អ ពីមនុស្សធ្លាប់តែដើរលេង វាយតប់គ្នា ទៅជាមនុស្សដែលជាគោរពចាស់ទុំ ដឹងខុសដឹងត្រូវ ចេះដឹងទុក្ខធុរៈ ឪពុកម្តាយ ដោយមិនឲ្យលោកខ្វល់ខ្វាយដូចមុនឡើយ ។ គ្រាន់តែឭថា សរីមន្ត កែខ្លួន ពីបងធំ បានធ្វើឲ្យ បណ្តាញសង្គមភ្ញាក់ផ្អើល តែធាតុពិត ” ក្មេងពាលកែខ្លួន” នេះគឺមាននៅក្នុងបទចម្រៀង “លោកពុកអ្នកម៉ែកូនខុសហើយ” មាននៅក្នុងវិស៊ីឌីសាន់ដេ វ៉ុល ១៤៩ តែប៉ុណ្ណោះ ។
បញ្ជាក់ផងដែរថា បទចម្រៀង “លោកពុកអ្នកម៉ែកូនខុសហើយ” កំពុងតែទទួលបានប្រជាប្រិយភាពយ៉ាងខ្លាំង នៅតាមបណ្តាខេត្តនានា ក្នុងព្រះរាជាណាចក្រកម្ពុជា៕
សូមទស្សនាឃ្លិបដូចខាងក្រោមនេះ៖
Copyright © 2015 All Rights Reserved.
មតិយោបល់