ខណៈដែលអ្នកប្រើប្រាស់កម្មវិធី LINE កំពុងតែកើនឡើងរហូតដល់ ៥៦០លាននាក់ លោក Akira Morikawa នាយកប្រតិបត្តិ បានថ្លែងឲ្យដឹងថា សេវាកម្មជាច្រើននឹងត្រូវដាក់បញ្ជូន និងឲ្យប្រើប្រាស់នៅចុងឆ្នាំ ២០១៤ នេះ រួមមានទាំងសេវាកម្មទូទាត់សាច់ប្រាក់តាមរយៈទូរស័ព្ទទៀតផង។
លោក Akira Morikawa បានថ្លែងឲ្យដឹងថា LINE កំពុងតែសាកល្បង ហើយនឹងដាក់ឲ្យប្រើប្រាស់នូវសេវាកម្ម ទូទាត់សាច់ប្រាក់តាមរយៈទូរស័ព្ទ សេវាកម្មដឹកជញ្ជូន សេវាកម្មតន្ត្រី សេវាកម្មតាក់ស៊ី ដោយសេវាកម្មទាំងអស់នេះនឹងដាក់ឲ្យប្រើនៅក្នុងប្រទេសជប៉ុនមុនគេ ជាមួយនឹងអ្នកប្រើប្រាស់ជាង ៥៤លាននាក់។
គួរបញ្ជាក់ផងដែរថា បច្ចុប្បន្ន LINE បានក្លាយជាកម្មវិធីដ៏ពេញនិយមនៅជប៉ុន ថៃ តៃវ៉ាន់ និងអេស្ប៉ាញ ចំណែកនៅតាមបណ្ដាលប្រទេសផ្សេងទៀតក៏កំពុងតែកើនឡើងអ្នកជាលំដាប់៕
ព័ត៌មានជាតិ
មតិយោបល់