មិនត្រឹមតែក្នុងពេលដែលមានផ្ទៃពោះប៉ុណ្ណោះទេ ការថែរក្សាសុខភាពមានសារៈសំខាន់សម្រាប់ស្ត្រី។ តែក្រោយពេលសម្រាលរួច រាងកាយរបស់អ្នកក៏ត្រូវការពេលវេលាដើម្បីព្យាបាលផងដែរ។ អ្នកត្រូវចំណាយពេលវេលាយ៉ាងតិចពី ៤ ទៅ ៦ សប្តាហ៍ដែលគេហៅថាក្រោយពេលសម្រាលរួច។ ក្នុងអំឡុងពេលសម្រាលកូនរួច ស្ត្រីតែងតែមានបញ្ហាខាងរាងកាយ និងខាងចិត្តគំនិត។ ម្តាយគួរតែទទួលទានសារធាតុចិញ្ចឹមឲ្យបានគ្រប់គ្រាន់ជាចាំបាច់ ដើម្បីចៀសផុតពីបញ្ហាទាំងអស់នេះនៅក្រោយពេលសម្រាល។
ម្តាយគួរតែទទួលទានអាហារដែលសម្បូរសារធាតុចិញ្ចឹម, ងាយស្រួលដល់ការរំលាយអាហារ, ត្រូវចៀសវាងអាហារណាហិលដូចជា៖ ម្ទេស, ម្រេច និងជាតិអាល់កុល ដែលផ្តល់ផលប៉ះពាល់ដល់ទឹកដោះកូនបៅ។ ដាក់កម្រិតលើភាពត្រជាក់, អាហារសមុទ្រដូចជាត្រី, នៅរយៈពេល ៦ សប្តាហ៍ដំបូងក្រោយពេលសម្រាល។ ការតមអាហារតែងតែកាត់បន្ថយភាពផ្សេងគ្នានៃរបបអាហារ, ធ្វើឲ្យមានកង្វះសារធាតុចិញ្ចឹម, ប៉ះពាល់ដល់បរិមាណ និងគុណភាពនៃទឹកដោះ។ របបអាហារដែលសម្បូរទៅដោយសារធាតុចិញ្ចឹមអាចជួយឲ្យម្តាយជាសះស្បើយបានលឿន។
នៅពេលបំបៅដោះកូន ម្តាយត្រូវការបន្ថែមសារធាតុចិញ្ចឹម ៥០០ កាឡូរីក្នុង ១ ថ្ងៃ ជាពិសេសគួរតែទទួលទាននំស្រួយឲ្យបានច្រើន។ គួរមានគ្រឿងផ្សំអាហារឲ្យបានគ្រប់គ្រាន់ដូចជា៖ គ្រាប់ធញ្ញជាតិគ្រប់ប្រភេទ, អាហារដែលមានប្រូតេអ៊ីនខ្ពស់, ខ្លាញ់, វីតាមីន A, កាល់ស្យូម និងសារធាតុខនិជ។ ដើម្បីឲ្យមានទឹកដោះគ្រប់គ្រាន់ ម្តាយគួរតែទទួលទានទឹកឲ្យបាន ៣ លីត្រ, ប្រេងខ្យង, ទឹកក្រូច, ទឹកដោះគោជារៀងរាល់ថ្ងៃ…។ របបអាហារអាចត្រូវបានគេបែងចែកជា ៣-៤ ពេលក្នុង ១ ថ្ងៃ។ ទទួលទានល្ហុង ឬសម្លដំឡូងបារាំងជាមួយឆ្អឹងជំនីនឹងអាចជួយឲ្យសម្បូរទឹកដោះ។
ស្ត្រីភាគច្រើនតែងតែរោគទល់លាមកក្រោយពេលសម្រាល។ ការឧស្សាហ៍ទល់លាមកពេកអាចនឹងផ្តល់ផលវិបាកយ៉ាងធ្ងន់ធ្ងរដូចជា៖ កើតជំងឺ ឬសដូងបាត, ធ្លាក់ស្បូន… មធ្យោបាយដែលប្រសើរបំផុត ដើម្បីចៀសផុតពីរោគទល់លាមកនេះ ស្ត្រីត្រូវទទួលទានបន្លែបៃតងឲ្យបានគ្រប់គ្រាន់, ទទួលទានទឹកឲ្យបានគ្រប់គ្រាន់។ ក្រោយទទួលទានអាហាររួច ម្តាយគួរតែទទួលទានផ្លែឈើស្រស់ៗ, ត្រូវបែងចែកការទទួលទានអាហារ ៣ ទៅ ៤ ដងក្នុង ១ ថ្ងៃនឹងជួយឲរាងកាយកាន់តែស្រស់ថ្លា, ងាយស្រួលដល់ការរំលាយអាហារ។ ជាតិដែក គឺជាធាតុដែលចាំបាច់នៅក្នុងការផលិតឈាម, បញ្ជូនសារធាតុចិញ្ចឹម និងអុកស៊ីសែនទៅដល់ចំហេះថាមពលសម្រាប់រាងកាយ។
កង្វះជាតិដែកក្រោយពេលសម្រាលរួចអាចបណ្តាលឲ្យ៖ វិលមុខ, ឧស្សាហ៍ភ្លេចភ្លាំង, ប៉ះពាល់ដល់ប្រាជ្ញារបស់កុមារតាមរយៈទឹកដោះម្តាយ។ ស្ត្រី ក្រោយសម្រាលកូនរួច ជាតិដែកមានភាពចាំបាច់ដែលត្រូវមាននៅក្នុងរបបអាហារ, ត្រូវផឹកថ្នាំជាតិដែកជាប្រចាំ។ អាហារមានជាតិដែកមានដូចជា៖ បន្លែ, ផ្លែឈើ, ស៊ុតលឿង, សាច់គ្មានខ្លាញ់, ត្រី, បន្លែ, សាច់គោ… ប្រសិនបើមិនបានធ្វើការទូទាត់បរិមាណនៃជាតិដែកនៅក្នុងរបបអាហារទេនោះ ម្តាយអាចប្រើប្រាស់ឱសថដែលមានផ្ទុកជាតិដែក។ ទទួលទានផ្លែឈើច្រើនទទួលបានវីតាមីន C ជួយបង្កើនជាតិដែក។ ប្រូតេអ៊ីនអាចជួយពង្រឹងសាច់ដុំ, បង្កើនការការពារប្រឆាំង នឹងការឆ្លងមេរោគក្រោយពេលសម្រាលកូន, ទទួលបានថាមពលពេញលេញ។ អាហារទាំងអស់នេះសម្បូរទៅដោយប្រូតេអ៊ីនមានដូចជា៖ សាច់, ទឹកដោះគោ, ផលិតផលប្រចាំ, មាន់, សណ្តែក, ស៊ុត, សណ្តែកដី, ត្រី, អាហារសមុទ្រ, ផ្លែបឺរ។
សារធាតុចិញ្ចឹមនៅក្នុងទឹកដោះគោ និងតុល្យភាពនៃសារធាតុចិញ្ចឹមគ្រប់គ្រាន់សម្រាប់ស្ត្រីមានផ្ទៃពោះក៏ជាប្រភពនៃប្រូតេអ៊ីនផង។ ច្រើនជាងនេះទៀត ទឹកដោះគោក៏អាចផ្តល់នូវថាមពលចាំបាច់បន្ថែម, ប្រូតេអ៊ីនខ្ពស់, ជាតិដែក, កាល់ស្យូម, វីតាមីន និងសារធាតុខនិជចាំបាច់ជួយដល់ម្តាយដែលមិនបានសម្រាកគ្រប់គ្រាន់នៅពេលយប់៕
មតិយោបល់