បន្ទាយមានជ័យៈ យោងតាមផេកអគ្គនាយកដ្ឋានកាំកុងត្រូល បានឲ្យដឹងថា ព្រឹកថ្ងៃព្រហស្បតិ៍ ៩កើត ខែបឋមាសាឍ ឆ្នាំច សំរឹទ្ធិសក័ ព.ស២៥៦២ ត្រូវនឹងថ្ងៃទី២១ ខែមិថុនា ឆ្នាំ២០១៨ មន្ត្រីសាខាកាំកុងត្រូលខេត្តបន្ទាយមានជ័យ សហការជាមួយមន្ត្រីមន្ទីរពាណិជ្ជកម្មខេត្ត បានចុះត្រួតពិនិត្យទំនិញដែលកំពុងដាក់តាំងលក់ នៅតាមផ្ទះ តាមម៉ាត ស្ថិតក្នុងស្រុកម៉ាឡៃ ខេត្តបន្ទាយមានជ័យ។

ជាលទ្ធផល បានដកហូត និងឃាត់ទុក ទំនិញខូចគុណភាព និងហួសកាលបរិច្ឆេទប្រើប្រាស់មួយចំនួនដូចជា៖ ទឹកដោះគោស្រស់,ទឹកដោះគោជូ ,ទឹកដោគោខាប់,ត្រីខកំប៉ុង,ទឹកផ្លែឈើ,ចាហ៊ួយ,ស្រាបៀរ,ទឹកក្រូចទឹកស៊ីរ៉ូ ,ប្រេងឆា,ទឹកម្ទេស,ទឹកអាស៊ីតអាសេទិច សរុប១១៤កំប៉ុង និង១១ដប ស្មើនឹង ៩៩៥គីឡូក្រាម៕