ស៊ិនហួ៖ ចិននឹងក្លាយជាប្រទេសផលិតមនុស្សយន្តធំជាងគេនៅលើពិភពលោក ខណៈដែលមានក្រុមហ៊ុនផលិតមនុស្សយន្តជាង ៣០កំពុងតែសាងសងរោងចក្រឡើង។
លោក Qu Daokui នាយករងនៃមជ្ឈមណ្ឌលស្រាវជ្រាវវិស្វកម្មមនុស្សយន្តរបស់រដ្ឋាភិបាលចិនបានថ្លែងឲ្យដឹងនៅក្នុងវេទិកាមួយកាលពីថ្ងៃអាទិត្យម្សិលមិញនេះថា មនុស្សយន្ត និងអ៊ីនធើណែត នឹងធ្វើការផ្លាស់ប្ដូរសកលលោក ជាពិសេសនឹងធ្វើឲ្យប្រទេសចិនចូលទៅកាន់ទស្សនវត្សរ៍មាសសម្រាប់ការអភិវឌ្ឍផលិតផលមនុស្សយន្តក្នុងស្រុក។
លោកបានបន្តទៀតថា មុនឆ្នាំ ២០០៨ ចិនជាប្រទេសមួយដែលគ្មានឧស្សាហកម្មផលិតមនុស្សយន្តនោះទេ ប៉ុន្តែចាប់តាំងពីពេលនោះមក ចិនបានក្លាយជាប្រទេសផលិតមនុស្សយន្តមួយធំជាងគេនៅក្នុងឆ្នាំ ២០១៣ ហើយវានឹងបន្តធំជាងគេនៅក្នុងពិភពលោកជារៀងរហូតទៅ។
យោងតាមរបាយការណ៍ប្រចាំឆ្នាំមួយរបស់ចិនបានឲ្យដឹងថា ពីមួយឆ្នាំទៅមួយឆ្នាំ ការផលិតមនុស្សយន្តរបស់ចិនបានកើនឡើង ១០ភាគរយ ហើយប្រាក់ចំណូលក៏កើនឡើង ពី៥ទៅ១០ភាគរយផងដែរ៕
មតិយោបល់