ខេត្តរតនគិរី៖ គំនរសំរាមនៅក្នុងផ្សារក្រុងបានលុងគរដូចភ្នំស្អុយរលួយខ្លិនអាសោធដល់អាជីវករនិងភ្ញៀវជាតិ និងអន្តរជាតិ ដែលចូលទិញឥវ៉ាន់ក្នុងផ្សារ គំនរសំរាមដែលគរទុកនោះ អាជីបានប្រាប់ថា គរទុកជាង១ខែមកហើយ ពុំដែលឃើញក្រុមហ៊ុនមកប្រមូលដឹកជញ្ជូននោះទេ ប៉ុន្តែថ្លៃភាស៊ីអនាម័យពួកគាត់បានបង់ជូនមិនដែលខានមួយថ្ងៃឡើយ។ យោងតាមប្រភពពីគណៈកម្មការផ្សារបានអោយដឹងថា ចំពោះសំរាមនេះក្រុមហ៊ុនផ្សារបានម៉ៅការអោយទៅក្រុមហ៊ុន ជា គង់ ជាអ្នកប្រមូលដោយបង់ថ្លៃជូនក្រុមហ៊ុនជាគង់ ចំនួន៣លានរៀលក្នុងមួយខែ ប៉ុន្តែមួយរយៈនេះសាលាក្រុងបានហាមមិនអោយយកសំរាមទៅដាក់នៅកន្លែងដែលធ្លាប់ដាក់នោះទេ ចាប់តាំងពីថ្ងៃទី៤ ខែតុលា ឆ្នាំ២០១៤ រហូតដល់បច្ចុប្បន្ន។ ដោយពុំបានជូនដំណឹងដល់ក្រុមហ៊ុនផ្សារនោះទេ ធ្វើអោយខាងក្រុមហ៊ុនផ្សារដោះស្រាយទីធ្លាសំរាប់ដាក់សំរាមដើម្បីអោយក្រុមហ៊ុនប្រមូលសំរាមរបស់ជា គង់ ចូលមកដឹកនោះឡើយ។ ទើបខាងភាស៊ីផ្សារដាក់សំរាមបណ្តោះអាសន្ននៅកែងផ្សារមួយកន្លែង និងមួយកន្លែងទៀតនៅដែលធ្លាប់ដាក់ពីមុនមក។ រហូតមកដល់ពេលនេះក្រុមហ៊ុនជា គង់ ដែលម៉ៅការសំរាមនោះមិនព្រមមកដឹក ទុកអោយស្អុយរលួយបែបនេះ។
រហូតមកដល់ល្ងាចថ្ងៃទី២៤ នេះក្រុមអនាម័យរបស់ផ្សារបានលុងខិតខំដើរប្រមូលសំរាមដើម្បីយកមកគរទុកមួយកន្លែងស្រាប់តែលិចលឺថាកម្លាំងសមត្ថកិច្ចរបស់ក្រុងធ្វើការចាប់ខ្លួនពិន័យចំពោះបុគ្គលិកអនាម័យរបស់ផ្សារ រូបណាហ៊ានយកសំរាមមកគរកន្លែងដែលធ្លាប់គរទុកនោះ។
មជ្ឈដ្ឋានជុំវិញក៏ដូចជាអាជីវករផ្សារស្ទើរទាំងមូលកំពុងមានចំងល់ថា តើអាជ្ញាធរក្រុងជួយយកសំរាមដែលនៅតាមតូបក្នុងផ្សារនោះទុកនៅកន្លែងណា ឫ ច្រកស្បោងប្រមូលទុកតាមតូបរឬ ? ប៉ុន្តែចំណុចសំខាន់នោះគឺភាគីខាងអ្នកប្រមូលសំរាមឯណោះទេ គឺក្រុមហ៊ុនលោកជា គង់ នេះតែងម្តងជាអ្នកម៉ៅការប្រមូលសំរាមមិនព្រមដឹកសំរាមដែលគរទុកជាច្រើនខែមកហើយ។ នេះមិនខុសពីខឹងគោវាយរទះឡើយ។ គេតែងមានចំងល់បន្តទៀតថា កាលពីលោក លី វិន្ទ អភិបាលក្រុងចាស់បើមានបញ្ហាសំរាម ឫបញ្ហាអ្វីៗពីក្រុមអាជីវករ និងអ្នកម៉ៅការផ្សារតែងរកដំណោះស្រាយ ដោយឡែកលោក អ៊ុក សំអុល ពេលមកកាន់ដំណែងជាអភិបាលក្រុង ស្រាប់តែមិនជួយរកដំណោះស្រាយ បែរជាបង្ករអោយអាជីវករអំពល់ទុករឿងស្អុយសំរាមទៅវិញ គួហៅលោកជា គង់ អោយមកដឹកសំរាមអោយផុត ហើយយកថ្លៃពីក្រុមហ៊ុនផ្សារទៅ វាជាការស្រេចបាត់ទៅហើយ បើចង់កែទំរងសោភ័ណ្ឌភាពផ្សារគួរតែហៅភាគីផ្សារ និងភាគីម៉ៅការសំរាមទៅជួបនិយាយគ្នាដោះស្រាយទៅវាមិនស្ទះដល់គំនរសំរាមអោយស្អុយយ៉ាងនេះនោះទេ។
នៅល្ងាចម៉ោង៧,៨ យប់ថ្ងៃទី២៣ ខែតុលា ឆ្នាំ២០១៤ នេះ លឺថាសាលាក្រុងបានលុង និងចាត់ប៉ូលិសអោយចាប់ខ្លួនក្រុមអនាម័យផ្សារបើនៅយកសំរាមមកគរទុកក្នុងផ្សារ អ្នកអានកំពុងរងចាំអានបន្តនៅសកម្មភាពថ្ងៃបន្ទាប់៕
មតិយោបល់