បាត់ដំបង៖សង្វៀនលេងល្បែងភ្នាល់បញ្ជល់មាន់ដុះស្លែរមួយកន្លែង គ្មានសមត្ថកិច្ចណាបង្ក្រាបទេ ធ្វើឲ្យប្រជាពលរដ្ឋរិះគន់ថា គ្មានទេសមត្ថកិច្ចបង្ក្រាប មានតែមកយកលុយ ធ្វើឲ្យបាត់អស់គោលនយោបាយភូមិ ឃុំមានសុវត្ថភាពទាំង៩ចំណុច។
ទីតាំងល្បែងភ្នាល់បក្សីកីឡានេះជារបស់ឈ្មោះលោក វឿន ដែលមានលំនៅដ្ឋានជាប់ទីតាំងភ្នាល់នេះគឺស្ថិតនៅចំណុចភូមិស្រាបក្រសាំង សង្កាត់អោម៉ាល់ ក្រុង និងខេត្តបាត់ដំបង ខណះពេលដែលអ្នកយកព័ត៌មានយើងចូលទៅថតផ្តិតយករូបភាពកាលពីរសៀលថ្ងៃទី២៩ ខែតុលានេះលោក វឿន ដែលជាម្ចាស់ប្រាប់ទៅអ្នកដែលចូលរួមភ្នាល់ថា មិនបាច់ចាំនាំគ្នាខ្លាចទេឲ្យ គេថតអី ថតទៅព្រោះបានបង់លុយឲ្យសមត្ថកិច្ចគ្រប់ស្ថាបន័អស់ហើយលេងតាមសប្បាយ ប៉ុន្តែបងប្អូនដែលបានទៅចូលរួមលេងល្បែងនេះខ្លាចក៍នាំគ្នារត់អស់ទៅ ។
បើតាមប្រភពព័ត៌មានពីប្រជាពលរដ្ឋដែលស្អប់ខ្ពើមការលេងល្បែងភ្នាល់គ្រប់ប្រភេទ បានប្រាប់ថា សង្វៀនបញ្ជល់មាន់មួយនេះដុះស្លែយូរណាស់ហើយពុំដែលឃើញមាន សមត្ថកិច្ចណាបង្ក្រាបទេ ឃើញតែចូលមកដល់ក៍ត្រឡប់ទៅវិញបាត់ មិនដឹងថាមកធ្វើ អ្វីទេ ប្រហែលមកយកលុយដូចម្ចាស់សង្វៀនថាហើយមើលទៅនោះ។
ពាក់ព័ន្ធបញ្ហានេះដែរខាងអធិការរងក្រុងបាត់ដំបងគឺលោក សោម បានប្រាប់អ្នកយកព័ត៏មានយើងតាមទូរសព្ទ័ថា លោក មិនដែលបានដឹងថានៅចំណុចខាងលើនេះមានទី តាំងលេងល្បែងភ្នាល់ជល់មាន់ទេ នេះប្រហែលជាមន្ត្រីប៉ុស្តិ៍នគបាលរដ្ឋបាល បានដឹង រឿងនេះដែរឬក៍អត់ ឬក៍ដឹងហើយមិនរាយការណ៍ ៕
មតិយោបល់