​ខ្សែប្រយុទ្ធ​ក្លិប​ហង្ស​ក្រហម Liverpool កីឡាករ Daniel Sturridge អាច​នឹង​ត្រូវ​អវត្តមាន​រហូតដល់​ចុង​ខែ​វិច្ឆិកា ដោយសារតែ​បញ្ហា​របួស​កំភួនជើង​ហើយ​នឹង​ធ្វើឲ្យ​រូបគេ​ត្រូវ​ខកខាន​សម្រាប់កា​រប្រ​កួត​សំខាន់ៗ​មួយចំនួន ។​យោង​តាម​គេហទំព័រ The Mirror បាន​ផ្សព្វផ្សាយ​ថា កីឡាករ​សញ្ជាតិ​អង់គ្លេស​រូប​នេះ​នឹង​ត្រូវ​អវត្តមាន​សម្រាប់ ការប្រកួត​ជាមួយ​ក្លិប​សារិការ​ព្រៃ Newcastle United ព្រមទាំង​ការប្រកួត​ជាមួយ Real Madrid និង Chelsea ផងដែរ​។​

​គ្រូបង្វឹក Liverpool លោក Brendan Rodgers ធ្លាប់បាន​លើកឡើង​ថា Sturridge នឹង​ខកខាន សម្រាប់​ការប្រកួត​ជាមួយ Newcastle នៅ​ចុង​សប្តាហ៍​នេះ​ប៉ុន្តែ​លោក​មិន​បាន​បញ្ជាក់​ឲ្យ​ច្បាស់​សម្រាប់​ការប្រកួត​ជាមួយ Chelsea និង Real Madrid នោះទេ ។​ទោះបីជា​យ៉ាងណា​ក៏ដោយ Sturridge ត្រូវបាន​គេ​រំពឹងថា នឹង​អាច​ចូល​លេង​បាន​វិញ​ក្នុង​ជំនួប​ជាមួយ​ក្លិប Crystal Palace នៅ​ថ្ងៃ​ទី​២៣​ខែ​វិច្ឆិកា​នេះ ៕​