ខេត្តកំពង់ឆ្នាំង៖ ករណីរំលោភ ហើយសម្លាប់ស្រី្តម្នាក់ ដែល ត្រូវបានក្មេងឃ្វាលគោ ប្រទះឃើញខ្លួនអាក្រាតដេកផ្កាប់មុខស្លាប់ក្នុងថ្លុកស្រែនោះ ត្រូវបាននគលបាលព្រហ្មទ័ណ្ឌស្រុករលាប្អៀរ សហការណ៍ជាមួយ នគរបាលជំនាញនៃស្នងការដ្ឋាននគរបាលខេត្តកំពង់ឆ្នាំង បានវែកមុខរកឃើញឃាតកអាយុ១៧ឆ្នាំ ជាអ្នកចាប់រំលោភនាងរួច វាយនាងសម្លាប់ចោលបំបិទភស្តុតាង។ ដោយសារឈាមស្រែកស្បែកហៅឃាតកវ័យក្មេងចិត្តដ៏សាហាវនោះ ត្រូវសមត្ថកិច្ចចាប់ខ្លួនបានហើកាលពីវេលាម៉ោង១២និង៣០នាទីព្រឹកថ្ងៃទី០១ ខែវិច្ឆិកា ឆ្នាំ២០១៤ ក្រោពីផ្ទុះហេតុការណ៍ភ្ញាក់ផ្អើលតែជាង១ម៉ោង ប៉ុណ្ណោះ ស្ថិតនៅក្នុងថ្លុកស្រែខាងលិចភូមិ ស្ថិតនៅក្នុងភូមិថ្មី ឃុំជ្រៃបាក់ ស្រុករលាប្អៀរ។ សូមបញ្ជាក់ថា ករណីរំលោភ ហើយសម្លាប់ស្រី្ត រងគ្រោះដែលក្មេងឃ្វាលគោនោះ នៅវេលាម៉ោង១១ថ្ងៃត្រង់ថ្ងៃទី០១ ខែវិច្ឆិកា ឆ្នាំ២០១៤ ។
នៅពេលឃើញសាកសពក្នុងអំពើឃាតកម្មនេះ សមត្ថកិច្ចបានបើកការស៊ើបអង្កេតជាបន្ទាន់ ហើយក៏ទទួលបានព័ត៌មានពីកុមារាជាសាក្សីម្នាក់ថា បានឃើញមុខឃាតករធ្វើសក្មភាពក្នុងរឿងនេះ ទើបការស្រាជ្រាវបានឈានដល់ការចាប់ខ្លួនឃាតករឈ្មោះ ណុប ប៊ុនណា អាយុ១៧ឆ្នាំ បានតែម្តង គឺគេរស់នៅក្នុងភូមិឃុំកើតហេតុជាមួយស្ត្រីរងគ្រោះ។
ជនសង្ស័យ បានឲ្យដឹងថា នៅម៉ោង១១ថ្ងៃត្រង់ ថ្ងៃទី៣១ ខែតុលា ឆ្នាំ២០១៤រូបគេនិងមិត្តភ័ក្រក្នុងភូមិ២,៣នាក់បបួលគ្នាផឹកស្រា បានឃើញស្ត្រីរងគ្រោះស្រវឹងដើរចូលមកក្នុងវង់ផឹកពួកគេក៏បានដេញនាងចេញទៅវិញ។នៅម៉ោង៥ល្ងាចរូបគេស្រវឹងខ្លាំងផឹកស្រាអស់២លីត្រ និងប៊ីយ៉ែ៦កំប៉ុងក៏បានដើរទៅផ្ទះវិញ ពេលដល់ផ្លូវបំបែកខាងលិចភូមិក៏បានជួបស្ត្រីរងគ្រោះ ហើយគេក៏បានចាប់នាងទាញចូលក្នុងព្រៃរំលោភ ពេលកំពុងរំលោភនាងបានស្រែក រូបគេក៏បានយកដំបងវាយនាងសន្លប់ក្រោយពីរំលោភបានសំរេចគេក៏បានវាយនាងរហូតស្លាប់ ហើយអូសសពនាងកាត់ស្រែសំណាប ចម្ងាយប្រមា ណ២០ម៉ែត្រ ពីកន្លែងចាប់រំលោភ ទម្លាក់ចូលក្នុងថ្លុកស្រែដើម្បីបំបិទភ័ស្តុតាង រួចក៏ត្រឡប់មកផ្ទះវិញ ហើយនៅម៉ោង ១២ និង៣០នាទី ថ្ងៃទី០១ ខែវិច្ឆិកា ឆ្នាំ២០១៤ ក៏ត្រូវបានសមត្ថកិច្ចចាប់ខ្លួនតែម្តង៕
មតិយោបល់