​ខ្សែប្រយុទ្ធក្លិបបិសាចក្រហម Manchester United កីឡាករ Robin van Persie បានបង្ហើបឲ្យដឹងថា លោក Sir Alex Ferguson បានកុហកគាត់ ក្នុងគោលបំណង​ដើម្បីចុះហត្ថលេខា​យកគាត់ពី ក្លិប កាំភ្លើងធំ Arsenal ក្នុងឆ្នាំ ២០១២ នោះ ។​ នេះងបើយោងតាមសារព័ត៌មាន Guardian បានចុះផ្សាយ​។​
កីឡាករសញ្ជាតិហុល្លង់រូបនេះ បានអះអាងថា មុនពេលដែលគាត់បានផ្លាស់​ទៅក្លិបបិសាចក្រហម លោក Sir Alex Ferguson បានប្រាប់គាត់ ថា គាត់ (Sir Alex Ferguson ) នឹង​បន្តស្នាក់នៅ Old Trafford រយៈពេល ៣ ឆ្នាំ ។​

តែទោះជាយ៉ាងណា នៅចុងបញ្ចប់ រដូវកាល ឆ្នាំ ២០១២ និង ២០១៣ ស្រាប់តែគាត់​ចូលនិវត្តន៍ បន្ទាប់ពី​អតីតប្រធានក្រុម​ក្លិបកាំភ្លើងធំមកដល់ ។​
កីឡាករ Robin van Persie បាននិយាយថា ការសម្រេចចិត្តរបស់ខ្លួនមក កាន់ក្លិបបិសាចក្រហម ដោយសារតែ មានវត្តមាន គ្រូបង្វឹកខាងលើ ហើយប្រាប់ថា គាត់នឹង​បន្តដឹកនាំក្រុមលេង​ជាច្រើនឆ្នាំទៀត ។​

ក្រោយ Sir Alex Ferguson ចាកចេញ ក្លិបបិសាចក្រហម​បានធ្លាក់យ៉ាង​លំដាប់ ​ក្រោមការគ្រប់គ្រងរបស់ David Moyes តែ​ទោះជាយ៉ាងណា ​ក្រោមការគ្រប់គ្រងរបស់ Van Gaal ហាក់ដូចជាមានទឹកមាត់លេបវិញ ដោយមិនធ្វើឲ្យក្លិបបាក់ស្រុត ​ទោះជាចាញ់ពិន្ទុ ១ ពីរក្តី តែ បើសិនជា​ឈ្នះ Crystal Palace នៅយប់នេះ វិញ ​បិសាចក្រហមនឹងរំកិលខ្លួន​ទៅកាន់លេខរៀងទី ៦ ជាក់ជាមិនខាន ៕​