កម្ពូជា ថៃ ៖ក្មេង២នាក់ត្រូវសម្លាប់ ក្នុងចំណោមពលករខ្មែរ៨៦នាក់ដែលមេខ្យល់ចាប់ឃុំនៅក្នុងផ្ទះ នៅចំនុចបាងណាម ខេត្តសមុទ្ទប្រាកាន ប្រទេសថៃ នេះបើតាមការអោយដឹង ពីពលករម្នាក់ដែលលួចហៅទូស័ព្ទពីក្នុងបន្ទប់ទឹកទាំងអួលដើមករប្រាប់អ្នកសារព័ត៍មានកាលព្រឹកថ្ងៃទី: ០៨ វិច្ឆិការ ២០១៤សុំអោយជួយសង្គ្រោះពួកគេ។
ពលកររងគ្រោះមានឈ្មោះ ចាន់ ធី អាយុ២៦ឆ្នាំ មានទីលំនៅ ភូមិភ្នំជៀល ឃុំភ្នំជៀល ស្រុក សំរោងទងខេត្តកំពង់ឆ្នាំងបានប្រើទូរស័ព្ទ បូក៦៦ ៩១១ ៧២៨ ៦៩១ ហៅមកសុំអោយអ្នកសារពត័មាន ដែលខ្លួនបានលាក់ទុកក្នុងបន្ទប់ទឹក ខណះមេខ្យល់ដកហូតសមភារក្នុងខ្លួនទាំងអស់។
ពលកររងគ្រោះប្រាប់អោយដឹងទៀតថា: ក្នុងចំណោមជនរងគ្រោះទាំង៨៦នាក់ ត្រូវបានមេខ្យល់ចាប់សម្រាតសំម្លៀកបំពាក់ទាំងក្មេងទាំងចាស់ មិនថាប្រុសឬស្ត្រី ប្រមាណជាង១០ថ្ងៃ ព្រមទាំងសម្លាប់ក្មេង២នាក់អាយុប្រមាណ ៦ទៅ៨ឆ្នាំខណ:ពួកយំទាបាយ ហើយត្រូវមេខ្យល់ទាត់ធាក់ ប៉ះនិងជញ្ជាំង។
ក្នុងសម្ដីពលកររងគ្រោះតាមទូរស័ព្ទដែលលួចហៅចេញពីបន្ទប់ទឹក ទទូចសុំអោយអាជ្ញាធរ ថៃឬកម្ពុជាអោយជួយសង្គ្រោះជីវិតពួកគេដែលកំពុងជាប់ឃុំខ្លួននោះ។ហេតុការណ៍នេះត្រូវបានអ្នកសារពត័មានរាយការណ៍ជូនសមត្តកិច្ចដើម្បីស្រាវជ្រាវសង្គ្រោះបន្ទាន់ ហើយមិនទាន់ដឹងច្បាស់ថាជារឿងពិតឬមិនពឹតនោះទេ៕
មតិយោបល់