ស្ទឹងត្រែង៖កម្លាំងខណ្ឌរដ្ឋបាលជលផលខេត្តស្ទឹងត្រែងសហការជាមួយសហគមន៏នេសាទអន្លង់ថ្មបាំងរួមនិង ប៉ុស្តិ៏រដ្ឋបាលសាមគ្គីដឹកនាំដោយលោកនាយខណ្ឌជលផលចុះបង្ក្រាបទីតាំងដាក់ដាយ ៤ករណីស្ថិ តនៅចំណុចផ្សេងៗគ្នានៅចំនុអូរឡាស់ចអូរតក្នុងឃុំព្រះរំកិលស្រុកថាឡាបរិវ៉ាត់ខេត្តស្ទឹងត្រែង។
នាយខណ្ឌរដ្ឋបាលជលផលខេត្តស្ទឹងត្រែង លោក ប៉ែន ឈុនឌី បានប្រាប់ឲ្យដឹងថាខេត្តស្ទឹងត្រែងជាប្រភពត្រីមេពូជដ៏សំខាន់ហើយជាកន្លែងបង្កកំណើតរបស់ពូជត្រីជាច្រើនប្រភេទដែលនាំទៅផ្នែកខាងក្រោមនៃទន្លេមេគង្គនិងទន្លេសាប។លោកបន្តថាការចុះបង្ក្រាបទីតាំងដាក់ដាយទាំង៤ករណីខាងលើ មាន២ករណីបង្ក្រាបបាននៅចំណុចអូរឃុនហាងភូមិវើនសៀនឃុំអូរស្វាយស្រុកថាឡាបរិវ៉ាត់នៅរឹបអូសបានឧបករណ៏ជើងម៉ាស៊ីន១ តម្រងដងត្រីចំណួន២ អាំងវិទ័រចំនួន ២គ្រឿង ដងចាក់ត្រីចំនួន២ គូមបំភ្លឺចំនូន ១ បង្គោលដាកដាយចំនួន១២ដើម របាំងព្រួលប្រវែង២.៥ម ទូក២គ្រឿង អាគុយចំនួន២ ចំណែកឯជនសង្ស័យក៏ត្រូវបានសមត្ថកិច្ចចេញចាប់ប្រផាត់ប្រភីង តែត្រូវរត់គេចខ្លួនបាត់់ ។
លោកនាយខណ្ឌបានបន្តឲ្យដឹងទៀតថាជនល្មើសដែលលបលួចដាក់ដាយនោះពួកគេតែងតែធ្វើនៅពេលយប់ ហើយពេលថ្ងៃពួកគេបានដកដាយចេញវិញ ដើម្បីកុំឲ្យសមត្ថកិច្ចចាប់អារម្មណ៏ ទោះជាយ៉ាងណាក៏ដោយក៏ក្រុមសមត្ថកិច្ចជំនាញខិតខំប្រឹងប្រែងចុះបង្ក្រាបបទល្មើសនេសាទខាងលើឲ្យទាល់តែបាន ។ចំណែកវត្ថុតាងបទល្មើសមួយចំនួន ត្រូវបានបំផ្លាញចោល និងមួយចំនួនបានបញ្ជូនមករក្សាទុកនៅខណ្ឌជលផល៕
មតិយោបល់