មូស្គូ ៖នៅថ្ងៃអង្គារម្សិលមិញនេះ រដ្ឋមន្ត្រីការពារជាតិរុស្ស៊ី លោក ស៊ឺហ្គៃ សយហ្គូ បានជួបពិភាក្សាជាមួយសមភាគី ចិនលោក ចាង វ៉ានក្វាន់ នៅរដ្ឋធានីប៉េកាំងប្រទេសចិន។ នៅក្នុងកិច្ចជំនួបទ្វេភាគីនេះ ចិន-រុស្ស៊ី បានសម្តែងក្តីបារម្ភដូចគ្នា ចំពោះឥទ្ធិពលអាមេរិកដែលចេះតែកើនឡើង និងខ្លាំងឡើងនៅអាស៊ី ជាពិសេសគឺផ្នែកយោធា និងនយោបាយ នៅតំបន់អាស៊ីប៉ាស៊ីហ្វិក។
លោក សយហ្គូ បានថ្លែងចំពោះមុខអ្នកសារព័ត៌មាននៅទីក្រុងមូស្គូក្រោយត្រឡប់ពីប្រទេសចិន វិញថា៖ «យើងមានការព្រួយបារម្ភខ្លាំងណាស់ ចំពោះការព្យាយាមរបស់អាមេរិកក្នុងការបង្កើនឥទ្ធិពលផ្នែកយោធា និងនយោបាយ នៅក្នុងតំបន់ អាស៊ីប៉ាស៊ីហ្វិក»។
គួរបញ្ជាក់ថា ប្រទេសជិតខាង និងជាសម្ព័ន្ធជិតស្និតទាំងពីរនេះ មិនចង់ឃើញអាមេរិកពង្រីកឥទ្ធិពលនៅអាស៊ីនោះទេ ព្រោះថាចិន និងរុស្ស៊ី ជាប្រទេសកុំម្មុយនីស ហើយអាមេរិកព្យាយាមជ្រៀតចូលតំបន់អាស៊ី ដើម្បីបំបែកឥទ្ធិផលចិន និងរុស្ស៊ី ព្រោះថាអាមេរិកជាប្រទេសសេរី និងចង់ក្ដោបក្ដាប់ពិភពលោកទាំងមូល៕
ព័ត៌មានជាតិ
មតិយោបល់