វ៉ាស៊ីនតោន៖ នៅថ្ងៃសុក្រ ទី២១ ខែវិច្ឆិកាម្សិលមិញនេះ អគ្គលេខាធិការអង្គការសហប្រជាជាតិលោក បាន គីមូន បាននិយាយថា នៅមានសង្ឃឹមអាចទប់ទល់ នឹងការរីករាលដាល នៃជំងឺ អ៊ីបូឡាបាននៅពាក់កណ្តាលឆ្នាំ ២០១៥ ដើម្បីបន្តពង្រីកការប្រយុទ្ធជាសកល ប្រឆាំងនឹងជំងឺកាចសាហាវនេះ។
សេចក្ដីថ្លែងនេះត្រូវបានធ្វើឡើងនៅក្នុងនៅក្នុងសន្និសីទសារព័ត៌មាន នៅទីស្នាក់ការកណ្តាលរបស់ធនគារពិភពលោក។ លោក បាន គីមូន បានសង្កត់ធ្ងន់ថា លទ្ធផលនៅតែមិនទាន់ទៀងទាត់ ហើយលោកបានប្រកាសថា មន្ត្រីជាន់ខ្ពស់អង្គការសុខភាពពិភពលោក នឹងធ្វើដំណើរទៅប្រទេស ម៉ាលី ដែលជាកន្លែងស្ថានការណ៍នៃជំងឺនេះ នៅតែមានការព្រួយបារម្ភខ្លាំងនៅឡើយ។
បើតាមអង្គការសុខភាពពិភពលោក របស់អង្គការសហប្រជាជាតិ បានឲ្យដឹងនៅថ្ងៃសុក្រថា គិតមកត្រឹមថ្ងៃទី២០ ខែវិច្ឆិកា មានអ្នកស្លាប់ ដោយសារជំងឺនេះចំនួន ០៦នាក់នៅប្រទេស ម៉ាលី ជាមួយនឹងមនុស្សចំនួន ៣២៧នាក់ កំពុងស្ថិតនៅក្រោមការតាមដាន៕
មតិយោបល់