នារីជនជាតិឥណ្ឌាម្នាក់បានរងរបួសបែកត្រចៀក ដោយសារការស្តាប់ទូរសព្ទ័តាមកាសពាក់និងត្រចៀកនៅពេលកំពុងសាកថ្មទូរសព្ទ័។ហេតុការណ៍នេះបានកើតឡើងនៅប្រទេសឥណ្ឌាក៏ពិតមែន គឺវាជាសារដ៏សំខាន់មួយសំរាប់ប្រជាពលរដ្ខខ្មែរយើងដែលគួរតែប្រុងប្រយត្ន័អោយបានខ្ពស់។ ជាងជួសជុលទូរសព្ទ័ដៃម្នាក់នៅក្នុងក្រុងកំពង់ឆ្នាំងបាននិយាយអោយដឹងថា៖នៅក្នុងរូបភាពនេះការគ្រោះថ្នាក់ដូចបានរៀបរាប់មកខាងលើពិតជាអាចកើតមានមែន។គាត់បានពន្យល់អោយដឹងថា៖ការផ្ទុះកាសទូរសព្ទ័ពាក់និងត្រចៀកគឺបណ្តាលមកពីការទុស្សេចរន្តភ្លើង តាមរយះការសាកថ្មទូរសព្ទ័ ត្រូវយល់ថាការប្រើដុយនិងខ្សែសាកថ្មទូរសព្ទ័យូរទៅអាចនិងចាស់សឹកខូច ពេលយើងដោតចរន្តភ្លើងសាកថ្ម ហើយយើងកាន់ទូរសព្ទ័ស្តាប់
កាសនិងត្រចៀក រេចុះរេឡើងធ្វើអោយដុយដោតភ្ជាប់និងទូរសព្ទ័រង្កៀកចុះឡើងអាចបណ្តាលទុស្សេបាន បង្កអោយបែកកាសទូរសព្ទ័មានគ្រោះថ្នាក់បាន ប៉ុន្តែបើយើងសាកថ្មទូរសព្ទ័ទុកស្ងៀមនោះវាមិនអាចទុយស្សេបានឡើយ។ខាងលើនេះជាការបកស្រាយពន្យល់របស់ជាងជួសជុលទូរសព្ទ័ ដែលស្តាប់ទៅដូចជាទំនងដែរ ដែលអ្នកប្រើទូរសព្ទ័ទាំងអស់គួរតែយល់ដឹង ដើម្បីកុំអោយមានគ្រោះថ្នាក់ដល់ខ្លួនក្នុងការស្តាប់ទូរសព្ទ័តាមកាសពេលកុំពុងសាកថ្ម ដែលនេះគឺជាបំណងល្អរបស់អ្នកយកព័ត៌មានរបស់យើង ក្នុងការចូលរួមទប់ស្កាត់គ្រោះថ្នាក់ដែលអាចកើតឡើងជាយថាហេតុ ចំពោះអ្នកមិនសូវមានការយល់ដឹង៕
ព័ត៌មានជាតិ
មតិយោបល់