កំពង់ឆ្នាំង៖រថយន្តធំមួយគ្រឿងបានក្រឡាប់បះជើងចាក់ឥវ៉ាន់ពេញផ្លូវ បន្ទាប់ពីដាច់កាឡរកង់បុករះបង្កាន់ ដៃស្ពានថ្មលើផ្លូវជាតិរួចមក។ហេតុការណ៍នេះបានកើតឡើងនៅវេលាម៉ោង៤និង១០នាទីទៀបភ្លឺលើផ្លូវជាតិលេ៥ចន្លោះបង្គោលគីឡូម៉ែត្រលេខ៧៣និង៧៤នៅចំណុចស្ពានចេតីយ៍ចាស់ ដែលស្ថិតក្នុងភូមិអូរសណ្តាន់ចាស់ ឃុំទឹកហូត ស្រុកលាប្អៀរ ខេត្តកំពង់ឆ្នាំង។
សមត្ថកិច្ចស្ថិតនៅក្នុងកន្លែងកើតហេតុបានអោយដឹងថា៖រថយន្តដែលបានក្រឡាប់បះជើងនោះម៉ាកFUZ0ប្រភេទយីឌុបពាក់ស្លាកលេខPP3A-1219 បើកបរក្នុងទិសពីជើងទៅត្បូងដឹកស្រាបៀរពេញ។មុនពេលកើតហេតុរថយន្តនេះបានរេចង្កូតមកខាងឆ្វេងដៃបុកជាមួយបង្កាន់ដៃស្ពានអូសទៅមុខបែកកង់ក្រឡាប់ចាកឥវ៉ាន់ពេញផ្លូវតែក្នុងករណីខាងលើនេះមិនបានបង្កអោយមានគ្រោះថ្នាក់ដល់អ្នកណាឡើយ។
សមត្ថកិច្ចបានបញ្ជាក់អោយដឹងទៀតថា៖រថយន្តដែលបង្កការគ្រោះថ្នាក់នេះនេះបណ្តាលមកពីដឹកលើសទម្ងន់ ហើយដាច់ក្រឡេកង់ទើបបណ្តាលអោយរថយន្តកាច់ក្រឡាប់តែម្តង។ក្រោយពេលកើតហេតុគេឃើញរថយន្តផ្សេងមកសាងដឹកយកទៅគោលដៅផងដែរ ចំណែកកអ្នកបើកបរមិនត្រូវបានគេអោយស្គាល់ឈ្មោះនោះឡើយ។
មន្ត្រីមន្ទីរសាធារណការនិងដឹកជញ្ជូនខេត្តដែលបានចុះពិនិត្យករណីនេះបានអោយដឹងថា៖រការខូចខាតបង្កាន់ស្ពានថ្មខាងលើនេះ រថយន្តបង្កត្រូវធ្វើការជួសជុលសងអោយបានរឹងមាំឡើងវិញ ព្រោះជាសម្បត្តិសាធារណះរបស់រដ្ឋ ទើបសមត្ថកិច្ចអនុញ្ញាតអោយយករថយន្តទៅធ្វើអាជីវកម្មវិញ៕
ព័ត៌មានជាតិ
មតិយោបល់