កំពង់ឆ្នាំង៖យុវជនជាមុខសញ្ញាចែកចាយថ្នាំញៀនដ៍សកម្មម្នាក់ត្រូវសមត្ថកិច្ចនាំគ្នាប្រដេញស្ទាក់ចាប់បាននៅពេលកំពុងបើកម៉ូតូចែកចាយថ្នាំញៀនព្យាយាមរត់គេចខ្លួន។ករណីបង្ក្រាបខាងលើនេះបានធ្វើឡើងនៅវេលាម៉ោង១០និង៣០នាទីព្រឹកថ្ងៃទី១០ ខែធ្នូ ឆ្នាំ២០១៤ នៅចំណុចវាលស្រែខាងលិចភ្នំទួសពិត ស្ថិតនៅក្នុងភូមិស្រែសារ ឃុំត្បែងខ្ពស់ ស្រុកសាម្គឺមានជ័យ ខេត្តកំពង់ឆ្នាំង។
លោក គង់ ហុង អធិការនគរបាលស្រុកសាមគ្គីមានជ័យបាននិយាយអោយដឹងថា៖ជនសង្ស័យខាងលើមានឈ្មោះធូ រ៉ា អាយុ២៧ឆ្នាំ មានស្រុកកំណើតក្នុងភូមិពពែជ្រៃលាស់ ឃុំរាប់បាត ស្រុកពញ្ញាឮ ខេត្តកណ្តាល មកនៅដេកចាំចំការនៅក្នុងភូមិស្រែសារ ឃុំត្បែងខ្ពស់ ស្រុកសាមគ្គឺមានជ័យ និងជាអ្នកចែកចាយថ្នាំញៀនដ៍សកម្មជាយូរមកហើយ។
លោកអធិការបានអោយដឹងបន្ថែមថា៖មុនពេលបង្ក្រាបជនល្មើសខាងលើនេះ សមត្ថកិច្ចបានតាមដានមុខសញ្ញានេះយូរមកហើយ និងបានការហសការដ៏ល្អពីប្រជាពលរដ្ឋនៅក្នុងមូលដ្ឋានជួយផ្តល់ព័ត៌មានភ្លាមៗនោះសមត្ថកិច្ចបានក៏បានពង្រាយកំលាំងស្ទាក់ចាប់ នៅពេលមុខសញ្ញានោះបើកម៉ូតូចេញពីចំការបំរុងធ្វើការចែកចាយថ្នាំញៀន ពេលបានឃើញសមត្ថកិច្ចស្ទាក់ហៅក៏បានបើកម៉ូតូគេចខ្លួន។តែពេលនោះសមត្ថកិច្ចបាននាំគ្នាប្រដេញតាមហើយនិងចាប់ខ្លួនបាន។វត្ថុតាងសមត្ថកិច្ច ដកហូតបានថ្នាំញៀនប្រភេទម៉ាទឹកកកមួយកញ្ចប់តូច ទូរសព្ទ័ដៃ១គ្រឿង ប្រាក់៣២ដុល្លា លុយខ្មែរ៦.៥០០រៀល ម៉ូតូម៉ាកសេ១២៥មួយគ្រឿង ពណ៍ខ្មៅពាក់ស្លាកលេខ1C.I9742 និងក្រដាសលេខទូរស័ព្ទរបស់មុខសញ្ញាជាម៉ូយរកទិញថ្នាំមួយផ្ទាំងទៀត។
នៅចំពោះមុខសមត្ថកិច្ចជនល្មើសរូបនេះមិនព្រមសារភាពឡើយ តែទោះបីយ៉ាងណាក៍ដោយវត្ថុតាងគឺជាភស្ត័តាងស្រាប់។ ជនល្មើសនិងវត្ថុតាងត្រូវបានសមត្ថកិច្ចកសាងសំណុំរឿងតាមនិតិវិធី បញ្ជូនមកកាន់ស្នងការដ្ឋានរនគបាលខេត្ត ប្រគល់អោយការិយាល័យជំនាញកាសាងសំណុំរឿងបន្ត បញ្ជូនទៅសាលាដំបូងខេត្តចាត់ការតាមនិតិវិធីច្បាប់៕
ព័ត៌មានជាតិ
មតិយោបល់