កំពង់ឆ្នាំង៖ឯកឧត្តម អ៊ុន សំអុល ប្រធានគណៈកម្មាធិការសាខាកាកបាទក្រហមខេត្តកំពង់ឆ្នាំង តំណាងដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា នៅព្រឹកថៃ្ងទី១០ ខែធ្នូ ឆ្នាំ២០១៤ រួមដំណើរដោយលោកជំទាវ ប៉ាល់ យឿន លោកម៉ម ឈឿម, លោកកែវ ពៅ សមាជិកសមាជិកាសាខាកាកបាទក្រហមខេត្ត និងអាជ្ញាធរដែនដី បានចុះសាកសួរសុខទុក្ខ និងនាំយកថវិកាគ្រឿងឧបភោគបរិភោគរបស់កាកបាទក្រហមកម្ពុជាទៅផ្តល់ជូនគ្រួសារកុមារាអាយុ៣ឆ្នាំម្នាក់បានជិះទូកទៅតាមម្តាយរើសខ្យងយកមកលក់ចិញ្ចឹមជីវិតបានធ្លាក់ទឹកព្រែកលង់ស្លាប់ ដែលហេតុការណ៍នោះបានកើតឡើងនៅវេលាម៉ោង៥ទាបភ្លឺព្រឹកថ្ងៃទី០៨ ខែធ្នូ ឆ្នាំ២០១៤ នៅក្នុងព្រែកតាពាំងក្នុងភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង។
លោកស្រី ភុន ឈុនអេង ចៅសង្កាត់ផ្សារឆ្នាំងបានអោយដឹងថា៖កុមារាឈ្មោះ សាំង សំណាង អាយុ២ឆ្នាំ
ដែលបានលង់ទឹកស្លាប់មានម្តាយឈ្មោះ ហ៊ាន លីណា អាយុ៣២ឆ្នាំ ជាប្រជាពលរដ្ឋក្រីក្រមុខរបរដើររើសខ្យងលក់ចិញ្ចឹមជីវិត ឪពុកគេឈ្មោះ សំ រិន អាយុ៣២ឆ្នាំ មានមុខរបរជាកម្មករ និងនេសាទត្រី ប្តីប្រពន្ធនេះជាជនក្រីក្រ ពុំមានផ្ទះទេ សព្វថ្ងៃនេះពួកគាត់បានសុំផ្ទះគេស្នាក់នៅ មានកូន៣នាក់កូនបងអាយុ៨ឆ្នាំ កូនទី២អាយុ៥ឆ្នាំ កូនទី៣ជាជនរងគ្រោះអាយុ៣ឆ្នាំ។
លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តកំពង់ឆ្នាំង បាននិយាយអោយដឹងថា៖អំណោយរបស់កាកបាទក្រហមកម្ពុជាដែលយកមកប្រគល់ជូនគ្រួសារកុមារាលង់ទឹកស្លាប់រួមមាន ថវិកា១លានរៀល អង្ករ១០០គីឡូក្រាម ទឹកក្រូច១កេះ ត្រីខ១០កំប៉ុង និង ឃីតកញ្ចប់(មានមុង១ភួយ ១ក្រម៉ា ១សារ៉ុង១)។លោកបានបន្តថាមានអំណោយរបស់អនុសាខាកាកបាទក្រហមក្រុងកំពង់ឆ្នាំងមាន ថវិកា១០ម៉ឺនរៀល និងអង្ករ៥០គីឡូក្រាមផងដែរ។
ឯកឧត្តម អ៊ុន សំអុល ប្រធានគណៈកម្មាធិការសាខាកាកបាទក្រហមខេត្តកំពង់ឆ្នាំង បានមានប្រសាសន៍ពាំនាំនូវប្រសាសន៍ផ្តាំផ្ញើសាកសួរសុខទុក្ខចូលរួមមរណៈទុក្ខ រំលែកទុក្ខ និងចូលរួមការសោកស្តាយ ពីសំណាក់សម្តេចគតិព្រឹទ្ធិបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជាមួយគ្រួសារសពកុមារា សាំងសំណាង ជាគ្រួសារក្រីក្រ ដែលពេលទៅរើសខ្យងចិញ្ចឹមជីវិតត្រូវកូនធ្លាក់លង់ទឹកស្លាប់។
ឯកឧត្តម អ៊ុន សំអុល បានមានប្រសាន៍បន្តថា៖ការចែកអំណោយរបស់កាកបាទក្រហមកម្ពុជាគឺជាសកម្ម
ភាពមនុស្សធម៌ពិតៗគឺចែកជូនដល់ប្រជាជនទីទាល់ក្រ ជនចាស់ជរាគ្មានទីពឹង និងជនរងគ្រោះផ្សេងៗទៀតដោយមិនប្រកាន់ពូជសាសន៍និងនិន្នាការនយោបាយឡើយ។ អំណោយនេះទោះវាមិនគ្រប់តាមតំរូវការក៏ពិតមែនតែវាអាចជួយសំរាលនៅការលំបាកបានមួយគ្រាផងដែរ។
ឯកឧត្តម អ៊ុន សំអុល ក៏បានផ្តាំផ្ញើដល់អាជ្ញាដែនដី និងម្តាយឪពុកកុមារាសាំងសំណាង ត្រូវតស៊ូថែទាំសុខភាពអោយបានល្អ និងខិតខំរកស៊ីចិញ្ចឹមគ្រួសារ និងត្រូវចិញ្ចឹមកូន២នាក់ទៀតអោយបានចូលរៀនសូត្រយកចំណេះដឹងដែលនេះគឺជាកាត្វកិច្ចរបស់ឪពុកម្តាយ ដើម្បីអនាគតផ្ទាល់ខ្លួនពួកគេចាកផុតពីភាពក្រីក្រ មានតំរេះវិជ្ជាចិញ្ចឹមខ្លួនទៅអនាគត។
អាជ្ញាធរដែនដីនិងម្តាយឪពុកសពកុមារាសាំងសំណាងសូមថ្លែងអំណរគុណយ៉ាងជ្រាវជ្រៅដល់ សម្តេចកិតិ្តព្រឹទ្ធ ប៊ុនរ៉ានី ហ៊ុនសែន ប្រធានកាកបាទក្រហមកម្ពុជាសូមអោយសម្តេចមានសុខភាពល្អ ឈ្នះអស់មាសត្រូវគ្រប់ទិសទីនិងទទួលបានជោគជ័យគ្រប់ភារកិច្ច ដើម្បីដឹកនាំកាកបាទក្រហមកម្ពុជាជួយជនរងគ្រោះបន្តទៀត៕
មតិយោបល់