លោក Jordan James Parke បាន​ធ្វើឲ្យមុខរបស់ខ្លួនគួរ​​ឲ្យខ្លាច និងរន្ធត់ ដោយសារតែ​វះកាត់ឲ្យដូច​ អតីតតារាសិចនាង Kim Kardashian ។​
នាង Kim Kardashian ជាធម្មតា ជា​តារា​ដែលតែងតែបង្ហាញខ្លួន​លើគ្រប​ទស្សនាវដ្តី និងរកប្រាក់រាប់លានដុល្លារ ​នៅពេលដែលបង្ហាញខ្លូនលើទូរទស្សន៍ ​តែវា​មិនមែនជារឿង​គួរ​ឲ្យភ្ញាក់ផ្អើលអ្វីនោះទេ ។ តែ​អ្វីដែលភ្ញាក់ផ្អើលនោះ គឺ​មាន​អ្នកគាំទ្រភេទប្រុស អាយុ ២៣ ឆ្នាំ Jordan James Parke ចង់​​មានមុខមាត់ដូចនាង ដូច្នោះក៏សម្រេចចិត្តវះកាត់ដោយចំណាយប្រាក់ 150,000 ដុល្លារ ​ធ្វើយ៉ាងណា​ឲ្យដូច​​តារាសំណព្វចិត្តរបស់ខ្លួន។​
Jordan James Parke បានប្រាប់គេហទំព័រ The Sun ថា “ខ្ញុំពិតជាស្រលាញ់អ្វីៗគ្រប់យ៉ាង​របស់នាង Kim Kardashian ព្រោះនាង​ជាស្ត្រីស្អាតបំផុតលើពិភពលោក ​ ហើយស្បែក និងសក់គឺល្អឥត​ខ្ជោះ​ ” ។ ព្រោះតែចង់ដូចទៅនឹង Kim Kardashian លោក Jordan James Parke បានចំណាយប្រាក់របស់ខ្លួនវះកាត់មុខមាត់ ​រហូតដល់ ៥០ ដង ធ្វើយ៉ាងណា​ឲ្យដូចទៅនឹង នាង Kim Kardashian តែលទ្ធផលចេញមក គួរឲ្យខ្លាច និងអាក្រក់បំផុត ៕