កីឡាករខ្ចីជើងរបស់បិសាចក្រហម Radamel Falcao បានកំណត់គោលដៅរបស់ខ្លួនដើម្បីបង្កើនអាជីពខ្លួននៅ Old Trafford បើទោះពីមិនបានបង្ហាញខ្លួនជាញឹកញាប់ ​ចាប់តាំងពី​ចាកចេញពី ក្លិប Monaco របស់បារាំងនោះ ។
កីឡាករ​សញ្ជាតិកូឡ៊ុំប៊ី ​​បានចូលរួមលេង​ឲ្យបិសាចក្រហម ​នៅថ្ងៃចុងក្រោយ នៃទីផ្សារផ្ទេរកីឡាករ ក្នុងខែ កក្កា និង សីហា ​ដោយយល់ព្រមលេងក្នុងលក្ខណៈខ្ចីជើង រយៈពេលវែង​ ។​
កីឡាករ Radamel Falcao លេង​ ៦ ប្រកួត​ឲ្យបិសាចក្រហមក្នុងក្របខណ្ឌ Premier League រកបាន ១គ្រាប់ ​ ដោយលេងក្រោម​ការដឹការដឹកនាំរបស់ Louis van Gaal ហើយក៏មានបញ្ហារបួសកំភួនជើង ជាចំណុចដែល​ធ្វើឲ្យអាកខាន​ការបង្ហាញខ្លួនលេងនោះ ។​
កីឡាករវ័យ ២៨ ឆ្នាំរូបនេះ មិនបានបង្ហាខ្លួនលេង បន្ទាប់ពីបិសាចក្រហមយកឈ្នះ Everton ក្នុងលទ្ធផល ២ ទល់នឹង ១ ​កាលពីថ្ងៃទី ៥ ខែ តុលា ។ តែទោះជាយ៉ាងណា កីឡាករ Radamel Falcao នៅតែមានអារម្មណ៍រីករាយ ​ដោយ​ចង់បន្តលេង​ឲ្យក្លិបមួយនេះ ដោយចង់​ឲ្យមានប្រអប់ចរចារមួយ ទិញដាច់ជាអចិន្ត្រៃយ៍ តែម្តង ។​
កីឡាករ Radamel Falcao បាននិយាយថា “បើសិនជា​ខ្ញុំលេងបានច្រើននោះ ប្រាកដនោះ គេនឹងឃើញពីគុណសម្បត្តិរបស់ខ្លួន តែពេលនេះ​វាស្ទើរតែ ១០០ ភាគរយហើយ ដែលខ្ញុំលេងបានល្អ តែ​នៅរងចាំការ​សម្រេចចិត្តរបស់គ្រូបង្វឹកថាឲ្យខ្ញុំនៅឬទៅ ? ខណៈពេលនេះខ្ញុំចង់នៅទីនេះ​” ៕​